Anomal istilər Asiyanı çənginə alır
Bir müddət əvvəl Dünya Meteorologiya Təşkilatının alimləri antropogen iqlim dəyişikliyi səbəbindən Yer kürəsində istilik dalğalarının daha da gücləndiyini bildirmidilər. Qeyd edilmişdi ki, yaxın 5 ilin müşahidələrinə əsasən, dünyada anomal istilər getdikcə daha da güclənəcək. Bu proses artıq Asiyada, xüsusilə Hindistanda və Pakistanda özünü büruzə verməyə başlayıb.
Bu günlərdə Pakistan meteoroloqların iqlim dəyişikliyi ilə əlaqələndirdiyi rekord isti hava dalğasını yaşayır. Yaxın günlərdə vəziyyətin daha da ağırlaşacağı, havanın temperaturunun 50 dərəcəyə çatacağı gözlənilir.
Ölkənin iqtisadi paytaxtı olan Kəraçidə əhali və şəhərin memarlığı belə anomaliyalara uyğunlaşdırılmayıb. Yerli sakinlər bacardıqca sərin sudan istifadə etməyə çalışır.
Meteoroloqların dediyinə görə, istilik indeksi nisbi rütubətlə birlikdə kəskin yüksələndə ölüm riski yaranır. Havanın temperaturu 40 dərəcəni keçdikdə, xüsusən də 43 və ya 44 dərəcəyə qalxdıqda, üstəlik rütubət 50-60 faiz təşkil etdikdə istilik indeksi yüksəlir və ölümlərə səbəb olur.
Bu günlərdə isə Yuxarı Sind, Cənubi və Mərkəzi Pəncabda çox isti günlər keçir. Bəzi yerlərdə temperatur selsi ilə 45-48 dərəcədir. Yaxın günlərdə hətta 50 dərəcəyə çata bilər.
Kəraçidə ekoloqlar istilərin təsirini azaltmaq üçün daha çox parklar yaratmağa çağırırlar. Mütəxəssislər hesab edir ki, bütün şəhərlərdə təkcə meşə sahələri deyil, həm də su-bataqlıq əraziləri olmalıdır. Ətraf mühiti sərinləşdirəcək və ekologiyanı yaxşılaşdıracaq bataqlıqlar, kiçik göllər və süni su anbarları yaratmaq çətin deyil. Bu, isti hava dalğalarının qarşısını almaq üçün hələ ki, yeganə yoldur.
Temperaturun kəskin artması buzlaq göllərinin əriməsi ilə bağlı narahatlığı artırır. Bu günlərdə buzlağın əriməsi nəticəsində yaranan daşqınlar zamanı ölkənin Qaraqoram şosesi üzərində yerləşən ən əhəmiyyətli körpülərindən biri dağılıb.
Bundan əvvəl isə Hindistanın 28 ştatından 15-də həyəcanverici vəziyyət müşahidə olunub. Dehlidə havanın temperaturu 45 dərəcəyə yüksəlib ki, bu da normadan 6 dərəcə çoxdur.
Ölkədə istilər səbəbindən elektrik enerjisinin verilişində fasilələr yaranıb. Bir çox evdə kondisioner və havalandırma sistemləri gecə-gündüz işləyir ki, bu da şəbəkələrdəki yükü kəskin şəkildə artırıb.
Dünən Hindistan Meteoroloji Departamenti Dehli milli paytaxt dairəsində (Yeni Dehli də daxil olmaqla) narıncı həyəcan siqnalı verib. Ölkənin paytaxtının bəzi ərazilərində maksimal temperaturun selsi üzrə 47 dərəcəyə qədər yüksələcəyi gözlənilir.
Hindistanın şimalında istilik dalğası mart ayında başlayıb, mayın əvvəlində qısa müddətə azalıb, lakin ötən həftədən Yeni Dehlini yenidən istilik dalğası bürüyüb. Meteoroloqların məlumatına görə, Nəcəfqarh bölgəsindəki meteostansiya 46,1 dərəcə, Cəfərpur və Məngəşpurdakı meteostansiyalar müvafiq olaraq 45,6 dərəcə temperatur qeyd edib.
Keçən həftə Hindistanın Maharaştra ştatında 25 nəfərin isti havadan həlak olduğu bildirilib. Lakin bu ştatda ümumi qurbanların sayının əhəmiyyətli dərəcədə yüksək olacağı gözlənilir.
Bundan əlavə, istilər məhsulları, xüsusən də buğdanı məhv edir. İqtisadçılar belə şəraitdə koronavirus pandemiyasından sonra gözlənilən iqtisadi bərpanın təhlükə altında olacağından narahatdırlar.
Rizvan CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!