26 May 2022 11:36
532
DÜNYA
A- A+

Amerikalıların yarıdan çoxu silah haqqında qanunvericiliyin sərtləşdirilməsini istəyir  

 

Amerikalıların yarıdan çoxu – 54 faizi silah haqqında qanunvericiliyin sərtləşdirilməsini dəstəkləyir.

AZƏRTAC ABŞ mediasına istinadla xəbər verir ki, bu barədə məlumat CBS News telekanalı və “YouGov” kompaniyasının birgə keçirdiyi sosioloji rəy sorğusunun nəticələrində yer alıb.

Məlumata görə, respondentlərin 30 faizi mövcud qanunların dəyişdirilməsinə ehtiyac görmür, 16 faizi isə onu daha da yüngülləşdirməyi təklif edir.

Müxtəlif partiya tərəfdarları arasında bu problemlə bağlı mövqelər də fərqlənir. Belə ki, rəyi soruşulan demokratların 79 faizi silah satışı barədə qanunların sərtləşdirilməsini istədiyi halda, respublikaçılar arasında bu mövqeyin yalnız 27 faiz, bitərəflər arasında isə 50 faiz tərəfdarı var. Demokratların 9 faizi, respublikaçıların 24 faizi və bitərəflərin 17 faizi bu istiqamətdə qanunların yumşaldılmasını məqbul sayır. Həmçinin respublikaçıların 49 faizi, bitərəflərin 33 faizi və demokratların 12 faizi silah satışı barədə qanunvericiliyin dəyişməz qalmasını istəyir.

Qeyd edək ki, rəy sorğusu Texas ştatındakı ibtidai məktəbdə 19-u uşaq olmaqla 21 nəfərin qətlə yetirildiyi hücumdan bir neçə gün öncə aparılıb. Ştatın İctimai Təhlükəsizlik Departamentinin direktoru Stiven Makkrounun sözlərinə görə, qətliamı törədən Salvador Ramos 18 yaşı tamam olandan az sonra, martın 17-də yerli idman malları mağazasında AR-15 tipli avtomat alıb. Ertəsi gün o, avtomat üçün 375 güllə, martın 20-də isə həmin mağazadan başqa bir avtomat silah alıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video