30 Iyul 2022 14:41
328
Elm və texnika

Akademik Gövhər Baxşəliyeva: Prezidentin Fərmanı müstəqil dövlətimizin elmi-texniki tərəqqisini sürətləndirən mühüm sənəddir 

 

Prezident İlham Əliyevin “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın təsdiq edilməsi haqqında” Sərəncamı digər sahələr kimi elmin də qarşısında mühüm vəzifələr qoyur.

AZƏRTAC xəbər verir ki, bunu AMEA-nın vitse-prezidenti vəzifəsini icra edən, Şərqşünaslıq İnstitutunun baş direktoru akademik Gövhər Baxşəliyeva söyləyib.

Gövhər Baxşəliyeva bildirib ki, Prezidentin iyulun 28-də imzaladığı “Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında” Fərman da qeyd olunan Strategiyadan irəli gəlir, onun ruhundan və məqsədlərindən doğur. Bu, eyni zamanda, respublikamızda elmin inkişafını stimullaşdıracaq, həm də elmlə təhsilin inteqrasiyasını sürətləndirəcək mühüm bir Fərmandır. Müasir dünyada elmin, texnikanın, təhsilin inkişafı olmadan, onlar zamanın çağırışlarına adekvat cavab vermədiyi halda milli tərəqqini təmin etmək mümkün deyil.

“Bu Fərman çoxdan gözlənilən idi. Dövrün tələbidir. Müstəqil dövlətimizin elmi-texniki tərəqqisini sürətləndirən, həm də şərtləndirən mühüm Fərmandır. Elmlə təhsilin inteqrasiyasına güclü təkan verəcək bu Fərman xalqımızın köklü mənafeyindən irəli gəlir. O ki qaldı bütövlükdə Elmlər Akademiyasına, o, bir sıra humanitar və ictimai yönümlü institutları ilə öz fəaliyyətini yeni şəraitdə daha böyük əzmlə davam etdirəcək”,- deyə akademik Gövhər Baxşəliyeva qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video