28 May 2022 00:16
1120
İDMAN
A- A+

Ağdamın “Qarabağ” klubu yeddinci dəfə Azərbaycan kuboku yarışının qalibi olub

Ağdamın “Qarabağ” futbol klubu Azərbaycan kuboku yarışının qalibi olub.

AZƏRTAC xəbər verir ki, həlledici matçda Azərbaycan çempionu “Qarabağ”la ölkə çempionatının bürünc mükafatçı “Zirə” qarşılaşıb. Qəbələ şəhər stadionunda keçirilən görüşü FIFA referisi Elçin Məsiyev idarə edib.

"Qarabağın start heyətində Şahruddin Məhəmmədəliyev, Maksim Medvedev, Qara Qarayev, Filip Ozobiç, Abdullah Zubir, Kevin Medina, Patrik Andrade, Marko Veşoviç, Kadi Borqes, Vadji İbrahima və Elvin Cəfərquliyev yer alıblar.

"Zirə"nin heyətində isə Anar Nəzirov, İlkin Muradov, Hacıağa Hacılı, Qismət Alıyev, Təmkin Xəlilzadə, Coşqun Diniyev, Davit Volkov, Dmitrios Çantakias, Nemanya Andelkoviç, Hamidu Keyta və Cəlal Hüseynov meydana çıxıblar.

Görüşdə hesabı “Zirə” komandası hesabı açıb. Matçın 17-ci dəqiqəsində Hamidu Keyta fərqlənib. Görüşün birinci hissəsi “Zirə”nin minimal üstünlüyü ilə yekunlaşıb – 1:0. İkinci hissəyə daha fəal başlayan Azərbaycan çempionu “Qarabağ” oyunun 69-cu dəqiqəsində istəyinə nail olub. Abdullah Zubir fərqlənməklə hesabı bərabərləşdirib – 1:1. Komandaların cəhdlərinə baxmayaraq görüşün əsas vaxtı heç-heçə ilə başa çatıb.

Qalibin müəyyənləşməsi üçün əlavə vaxta ehtiyac duyulub. Qalibi müəyyən etmək üçün 15 dəqiqədən ibarət 2 hissə oynanılıb. Qapılara top vurulmadığı üçün qalib penaltilər seriyasında müəyyənləşib. Belə ki, seriyada rəqibinə 4:3 hesabı ilə qalib gələn "Qarabağ" Azərbaycan kuboku yarışının qalibi olub.

Finalçılar Azərbaycan kuboku yarışında ilk dəfə qarşılaşıblar. Bakı təmsilçisi Ağdam klubuna yarışda 39-cu rəqib olub. Ağdam klubu isə qəsəbə təmsilçisi üçün 10-cu rəqibdir.

Yarışın 30 illik tarixində 472 müxtəlif cüt üz-üzə gəlib. “Qarabağ” – “Zirə” cütü bu siyahıda 473-cüdür.

Beləliklə, Ağdam təmsilçisi 7-ci dəfə bu titula sahib çıxıb və ölkə tarixində yeni rekord müəyyənləşdirib. Komandanın baş məşqçi Qurban Qurbanov bu mükafatı ən çox qazanan baş məşqçi adına da yiyələnib - 5.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video