17 Yanvar 2022 13:21
328
DÜNYA

ABŞ sinaqoqunda adamları girov götürənin şəxsiyyəti açıqlanıb

 

ABŞ hakimiyyət orqanları Texas ştatındakı sinaqoqda dörd nəfəri girov götürmüş 44 yaşlı Böyük Britaniya vətəndaşının şəxsiyyətini açıqlayıb. Onun ad-soyadı Malik Feysəl Əkrəmdir.

AZƏRTAC ABŞ KİV-lərinə istinadla xəbər verir ki, Fort-Uert (Texas ştatı) yaxınlığındakı “Bet İsrael” sinaqoqunda girov götürülənlər 10 saatlıq qarşıdurmadan sonra azad edilib. Sinaqoqda üç dindarı və bir ravvini girov götürən silahlı şəxs Federal Təhqiqat Bürosunun əməkdaşları tərəfindən həmlə nəticəsində həlak olub.

ABŞ Prezidenti Co Bayden hüquq mühafizə orqanlarının əməkdaşlarının işini yüksək qiymətləndirərək qeyd edib ki, antisemitizmin hər bir forması yolverilməzdir. Bayden deyib: “Adamları girov götürən şəxsin motivləri barədə yaxın günlərdə daha çox məlumat əldə edəcəyik. Lakin nifrət hissini yaymaq niyyətində olan hər kəs bilsin ki, biz bu ölkədə antisemitizmin və ekstremizmin artmasına qarşı çıxış edəcəyik”.

Müstəntiqlərin yaydığı məlumata görə, Malik Feysəl Əkrəm pakistanlı neyrobioloq, “Əl-Qaidə” təşkilatı ilə əlaqə saxlamaqda şübhəli bilinən və hazırda Texasda federal həbsxanada saxlanılan Afiyə Siddiqənin azad olunmasını tələb edirmiş. Rəsmi şəxslərin sözlərinə görə Əkrəm Siddiqə ilə danışmaq istədiyini bildirib. Siddiqə Brandey Universitetində və Massaçuset Texnoloji İnstitutunda alimlik dərəcəsi alıb.

2008-ci ildə Əfqanıstanda ABŞ ordusunun zabitlərinə hücum etməkdə və onlara atəş açmaqda ittiham edilən Afiyə Siddiqə 2010-cu ildə 86 il həbs cəzasına məhkum edilib. Bu cəza tədbiri Pakistanda siyasi liderlər və Siddiqənin tərəfdarları arasında hiddət doğurub. Onlar Siddiqəni Amerika cinayət məhkəməsi sisteminin qurbanı hesab ediblər. ABŞ Prezidenti Co Bayden isə bu hadisəni “terror aktı” adlandırıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video