03 Oktyabr 2022 11:55
538
DÜNYA
A- A+

ABŞ İrandan neft alan Hindistan şirkətinə sanksiya tətbiq edib

 

Vaşinqton İrandan neft alaraq Çinə satan Hindistan şirkətinə qarşı iqtisadi sanksiya tətbiq edib.

AZƏRTAC xarici KİV-ə istinadla xəbər verir ki, sanksiyaya neft məhsullarının satışı üzrə ixtisaslaşan “Tibalaji Petrochem Pvt Ltd” özəl kompaniyası məruz qalıb. Kompaniya Mumbay şəhərində yerləşir.

ABŞ Ticarət Nazirliyinin məlumatına görə, kompaniya İrandan milyonlarla dollar dəyərində neft-kimya məhsulları alaraq Çinə satıb. Bu əməliyyatlar əvvəllər ABŞ-ın sanksiyaları altında olan "Triliance Petrochemical Cj LTD" kompaniyası vasitəsilə həyata keçirilib.

Rəsmi Dehli sanksiyaya hələ reaksiya verməsə də, yaranan vəziyyəti diqqətlə araşdırdığını bildirib. Hindistan xarici işlər nazirinin ötən həftə ABŞ-a səfərindən və səfər əsnasında Dövlət Departamentinin rəhbəri Entoni Blinken, müdafiə naziri Lloyd Ostin və milli təhlükəsizlik müşaviri Ceyk Sallivanla görüşündən dərhal sonra Vaşinqtonun atdığı bu addım Nyu-Dehlinin narahatlığına səbəb olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video