20 Iyun 2022 14:23
254
Səhiyyə

ABŞ-da xərçəng əleyhinə yeni preparatla müalicədən sonra bütün pasiyentlərdə şişlər yox olub

ABŞ-da xərçəng əleyhinə yeni preparat üzərində aparılan kiçik sınaq onkologiya sahəsində böyük əks-səda doğurub.

AZƏRTAC xəbər verir ki, altı ay müddətində eksperimental müalicədən sonra tədqiqatın nəticələrinin dərc edildiyi vaxtda sınaqlarını bitirən düz bağırsağın erkən xərçəngi diaqnozu qoyulmuş 14 pasiyentin hər birində şişlər yox olub.

Sınaqların nəticələri “Yeni İngiltərənin tibb jurnalı” nəşrində dərc olunub. Kolorektal xərçəng sahəsində fəaliyyət göstərən tədqiqatçılar başqa növ xərçəng xəstəliklərinin də yeni müalicə üsullarına gətirib çıxara biləcək bu yeniliyi alqışlayırlar. Nyu-Yorkda yerləşən Sloun-Ketterinq adına Memorial Onkoloji Mərkəzin onkoloqu və tədqiqatın aparıcı müəllifi Andrea Çerçek deyib: “İnanmıram ki, kimsə indiyədək hər bir pasiyentdə şişin itməsini görmüş olsun”.

Düz bağırsaq xərçəngi xəstəliyi olan bütün pasiyentlər eyni genetik qeyri-bərabərliyə malik idi. Onların hər birinə xərçəng hüceyrələrinin spesifik zülalının təcridi üçün nəzərdə tutulan “Dostarlimab” preparatından venadaxili 9 doza yeridilib. Bu zülalın ekspressiyası nəticəsində immun sistemi xərçənglə mübarizədə öz reaksiyasını dayandıra bilər. Pasiyentlərin vəziyyəti 6 həftə, 3 ay, 6 aydan, daha sonra isə kliniki sınaqlar başa çatdıqdan sonra hər 4 aydan bir PET (pozitron emissiya tomoqrafiyası) və düz bağırsaq biopsiyasının köməyi ilə qiymətləndirilib. Pasiyentlərin bir hissəsində kənar təsirlər - daha çox səpki, tez yorulma və ürək bulanması müşahidə olunub. Bir nəfərdə qalxanvari vəzinin funksiyasının pozulması aşkarlanıb.

Nəticələr düz bağırsaq xərçənginin müalicəsi üçün pasiyentlərin həyatında dəyişikliklərə gətirə biləcək çox şey vəd edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video