8 saatlıq görüşün nəticəsiz yekunu
ABŞ və Rusiyanın təhlükəsizlik zəmanəti ilə bağlı danışıqları uzanır
İsveçrənin Cenevrə şəhərində Rusiya və ABŞ nümayəndə heyətləri arasında təhlükəsizliyin və strateji sabitliyin təminatına dair danışıqlar başa çatıb.
Amerika nümayəndə heyətini ABŞ Dövlət katibinin müavini Vendi Şerman, Rusiya Federasiyası nümayəndə heyətini xarici işlər nazirinin müavini Sergey Ryabkov təmsil ediblər.
Ümumilikdə iki ölkə rəsmiləri arasında diskussiya 8 saata yaxın davam edib. Danışıqlar ABŞ-ın BMT-nin Cenevrə bölməsinin nəzdində daimi nümayəndəliyində jurnalistlərin iştirakı olmadan bağlı qapılar arxasında keçirilib.
Kremlin bəyanatı
Danışıqlardan sonra Rusiya xarici işlər nazirinin müavini Sergey Ryabkov jurnalistlər üçün brifinq keçirib. O, Cenevrədəki müzakirələri mürəkkəb, lakin çox peşəkar adlandırıb: “Bizdə belə təəssürat yaranıb ki, Amerika tərəfi Rusiya təkliflərinə çox ciddi yanaşıb, onları dərindən öyrənib. Biz isə, öz növbəmizdə, amerikalılara təkliflərimizin tam məntiqini və dolğun hissəsini təqdim etdik və izah etdik ki, NATO-nun genişlənməməsinə dair hüquqi zəmanətin əldə edilməsi mütləq imperativdir”.
Nazir müavininin dediyinə görə, bu məsələ ilə bağlı heç bir irəliləyiş əldə olunmayıb. “Qalan təhlükəsizlik məsələlərinin həlli bu məsələ ilə bağlı irəliləyişin olub-olmamasından asılıdır. Vurğulayırıq ki, bu, bizim üçün son dərəcə vacib məsələdir, Ukraynanın gələcəkdə heç vaxt NATO-nun tərkibinə daxil ola bilməməsi çox vacibdir”, - deyə Ryabkov bildirib.
Rusiya danışıqlarda amerikalı həmkarlarını əmin edib ki, Moskvanın Ukraynaya müdaxilə etmək planı yoxdur: “Biz həmkarlarımıza izah etdik ki, Ukraynaya heç bir hücum etmək niyyətimiz yoxdur və ola da bilməz. Qoşunların, qüvvələrin döyüş hazırlığı üzrə bütün tədbirlər isə öz ərazimizin daxilində həyata keçirilir və bu baxımdan gərgin ssenaridən ehtiyatlanmağa əsas yoxdur”.
Qonşu ölkənin əsas bəyanatları isə bunlardır - Rusiya Ukraynaya hücum etməyi planlaşdırmadığını ABŞ-a bildirib; Rusiya NATO-nun 1997-ci ildən sonra Alyansa daxil olmuş ölkələrdən imtina etməsini tələb edir; Rusiya Ukrayna və Gürcüstanın NATO-ya daxil olmayacağı ilə bağlı ciddi zəmanət istəyir; Rusiya NATO-nun Şərqə doğru genişlənməsindən imtina məsələsində irəliləyiş görməyib.
Ağ Evin şərti
Danışıqlarda ABŞ-ı təmsil etmiş dövlət katibinin müavini Vendi Şerman da Cenevrədə Rusiya ilə müzakirələrdən sonra jurnalistlər üçün keçirdiyi brifinqdə bildirib ki, Rusiya da analoji addımlar atmağa hazır olsa, ABŞ Ukrayna sərhədləri yaxınlığında hərbi qulluqçuların və texnikanın yerləşdirilməsi ilə bağlı Moskva ilə gələcək danışıqlar üçün açıqdır.
Şermanın dediyinə görə, bu məsələlərin müzakirəsi Brüsseldə NATO - Rusiya Şurasının iclası çərçivəsində baş tuta bilər: “Biz Ukrayna olmadan Ukrayna, Avropa olmadan Avropa və NATO olmadan NATO haqqında qərar qəbul etməyəcəyik”.
ABŞ-ın digər bəyanatları isə belədir: ABŞ Rusiya ilə raketlərin yerləşdirilməsini və Avropada hərbi təlimləri müzakirə etməyə hazırdır; ABŞ öz müttəfiqləri və tərəfdaşları ilə məsləhətləşmələrə davam edəcək.
Qeyd edək ki, yanvarın 12-də - 2019-cu ilin sonundan bəri ilk dəfə Brüsseldə NATO-Rusiya Şurasının iclası keçiriləcək. Yanvarın 14-də isə Vyanada Avropada Təhlükəsizlik və Əməkdaşlıq Təşkilatının (ATƏT) Daimi Şurasının görüşündə tərəflər arasında məsləhətləşmələr nəzərdə tutulub.
Rizvan HİLALOGLU,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!