22:46 26 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycanın Qoşulmama Hərəkatına sədrliyi çərçivəsində UNESCO-da növbəti plenar iclas keçirilib
ANA SƏHİFƏ / MƏDƏNIYYƏT
00:24 01.12.2020

Azərbaycanın Qoşulmama Hərəkatına (QH) sədrliyi çərçivəsində UNESCO-da növbəti plenar iclas keçirilib.

AZƏRTAC xəbər verir ki, iclasda UNESKO Baş Konfransının prezidenti Altay Cengizer, UNESCO yanında Daimi Nümayəndəliklərin rəhbərləri iştirak ediblər.

Azərbaycanın UNESCO yanında daimi nümayəndəsinin səlahiyyətlərini icra edən Ayaz Qocayev iclası giriş sözü ilə açaraq, plenar iclasın gündəliyini təqdim edib.

İclasın gündəliyi qəbul edildikdən sonra, qurumun Baş Konfransının prezidenti Altay Cengizer çıxış edərək, Azərbaycanın Qoşulmama Hərəkatına uğurla sədrlik etdiyini alqışlayıb və təbrik edib. QH-nin beynəlxalq siyasətdə mühüm rolundan söz açıb. UNESCO İcra Şurasında üzv dövlətlərin seçilməsi müddətinə dair UNESCO Konstitusiyasında ediləcək dəyişikliklər haqqında məlumat verib və iştirakçıların suallarını cavablandırıb.

A.Qocayev Qoşulmama Hərəkatına Azərbaycan sədrliyinin birillik fəaliyyət hesabatını təqdim edərək, həyata keçirilmiş işlər barədə məlumat verib.

Bildirib ki, ölkəmizin sədrliyi ilə bir sıra onlayn görüşlər keçirilib, COVID-19 pandemiyasına qarşı birgə mübarizədə dünya ölkələri səfərbər edilib. Bununla bağlı BMT Baş Assambleyasının xüsusi sessiyasının çağrılacağını diqqətə çatdırıb.

A.Qocayev UNESCO İcra Şurasının dekabrda keçiriləcək 210-cu sessiyasında Qoşulmama Hərəkatının sədri qismində ölkəmizin bəyanatı haqqında da məlumat verib.

Bildirilib ki, Qoşulmama Hərəkatı tarixboyu beynəlxalq sülh və təhlükəsizliyin Bandunq prinsiplərinə uyğun olaraq möhkəmləndirilməsində əsas rol oynayıb. Qoşulmama Hərəkatı sülh mədəniyyətinin təşviqinə dair daim çağırışlar edir. UNESCO-nun mədəni ifadələrin müxtəlifliyinin qorunması və təşviqi Konvensiyasının vacibliyini diqqətə çatdırılıb.

Hərəkata üzv dövlətlər mədəni müxtəliflik sahəsində qəbul edilmiş tədbirlərin fəaliyyətini gücləndirmək məqsədi ilə ümumdünya bəyannaməsində yer alan prinsiplərin təbliği üçün UNESCO ilə əməkdaşlıq etməyə hazır olduqlarını ifadə ediblər.

Silahlı münaqişələrdə mədəni mülkiyyətin qorunması üzrə 1954-cü il Haaqa Konvensiyasının və ona iki Əlavə Protokolun vacibliyini bildirilərək, hələ ratifikasiya etməyən dövlətləri onları ratifikasiya etməyə dəvət ediliblər.

Qoşulmama Hərəkatına üzv dövlətlər qeyri-maddi mədəni irsin qorunması sahəsində beynəlxalq ictimaiyyətə mühüm töhfəsi kimi UNESCO-nun qeyri-maddi mədəni irsin qorunması üzrə 2003-cü il Konvensiyasına sadiq olduqlarını bildiriblər.

COVID-19 pandemiyası dövründə ölkələrə təlim prosesinin davamlılığını təmin etmək üçün UNESCO tərəfindən irəli sürülmüş qlobal təhsil Koalisiyasının alqışlandığı və dəstəkləndiyi bildirilib.

Üzv dövlətlər qarşılıqlı maraq doğuran məsələlərin inkişafı üçün UNESCO ilə əməkdaşlıqlarını davam etdirməyə hazır olduqlarını qeyd ediblər.

Plenar iclas müzakirələrlə davam edib.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM