01:48 25 Yanvar 2021
ONLINE XƏBƏR LENTİ
00:35 24.01.2021

Xalq artisti Eldar Quliyevə


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“CIFAL” qrupunun prezidenti Jil Remidən
ANA SƏHİFƏ / MƏKTUBLAR
17:54 30.11.2020

Azərbaycan Respublikasının Prezidenti Zati-aliləri cənab İlham Əliyevə

Cənab Prezident.

Azərbaycan və onun xalqı üçün bu şərəfli və xoşbəxt tarixi məqamda 25 ildən çox müddətdə işğal altında qalan ərazilərin azad edilməsi münasibətilə Sizə ən səmimi təbriklərimi çatdırıram. Bu Qələbə öz xalqına arxalanan, uğurlu və parlaq hərbi və diplomatik əməliyyatı idarə edən dövlət xadiminin sayəsində əldə olundu.

Bu tarixi məqamda 1993-cü ildə Bakıya ilk səfərimi xatırlayıram. Həmin dövrdə çətin iqtisadi vəziyyətdə olan Azərbaycan doğma torpaqlarından qovulmuş minlərlə qaçqın və məcburi köçkünü qəbul etməli idi. Atanız sabitliyin yaranmasına nail oldu və bu gün Bakının timsalında şahidi olduğumuz iqtisadi inkişafın təməlini qoydu. Bu gün Siz atanızın ən ali məqsədi olan Azərbaycanın suverenliyini onun bütün ərazisi üzərində bərpa etdiniz. Siz onun layiqli davamçısısınız.

Ən mütərəqqi müsəlman mədəniyyətinə malik olan, eləcə də digər dinlərə ən çox hörmətlə yanaşılan ölkənizin həqiqətlərini 25 ildən artıq müddətdə tanıtmaq və təbliğ etməklə, bir çox sənaye layihələri irəli sürmək və icra etməklə Azərbaycan ilə Fransa arasında münasibətlərin inkişafına töhfəmi verməyə çalışmışam.

Bu son çətin dövrdə Fransada həm mətbuat sahəsində, həm də siyasi müstəvidə çox güclü anti-Azərbaycan dairələrlə mübarizə aparmaq asan olmadı. Lakin mənim üçün ən ağrılısı o oldu ki, hazırkı fransız hakim dairələri nəinki ölkəmizin Minsk qrupuna həmsədrliyi çərçivəsində münaqişənin həlli yolunu tapa bilmədilər, hətta beynəlxalq hüququ pozaraq Ermənistan hakimiyyətinin tərəfini tutdular.

Bilirəm ki, bu yanaşma əlaqələrimizi, o cümlədən iqtisadi münasibətlərimizi soyuda bilər. Lakin əminəm ki, Siz tarazlıq yaratmağa və zamanı gələndə həm siyasi, həm də iqtisadi münasibətlərimizin bərpasına və inkişafına nail olacaqsınız.

Hörmətli cənab Prezident, Sizi əmin etmək istərdim ki, mən və Bakıdakı bütün əməkdaşlarım ölkələrimiz arasında iqtisadi və siyasi münasibətlərin inkişafına töhfəmizi vermək üçün daha qətiyyətlə çalışacağıq.

Sizi yaxın zamanlarda Bakıda və ya Avropada şəxsən təbrik edə biləcəyimə ümid edərək, Zati-alinizə təbriklərimi və dərin ehtiramımı çatdırıram.

Hörmətlə,

Jil Remi
"CIFAL” qrupunun prezidenti



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM