21:10 26 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Ukraynalı ekspert: Fransızlara Korsikanın müstəqilliyini tanımaq barədə düşünməyi təklif edərdim
ANA SƏHİFƏ / SİYASƏT
17:40 30.11.2020

Ukrayna birmənalı olaraq, Fransa Senatının bu cür qanunazidd hərəkətlərini pisləyir, hərçənd bu qətnamə tövsiyə xarakteri də daşıyır.

Bu barədə AZƏRTAC-a eksklüziv müsahibəsində Ukrayna Politoloqlar Assosiasiyanın eksperti Rinat Kovbasyuk bildirib.

Ekspert sual edir: belə adlandırılan "Arsax”ın dırnaqarası müstəqilliyi hətta Ermənistan tərəfindən tanınmadığı halda, niyə Fransa onu tanımağa cəhd göstərir?

Rinat Kovbasyuk deyib: "Mənə elə gəlir ki, dünya alt-üst olub və hər şey nə isə həddini aşıb. Fikrimcə, yəqin ki, Fransa heç bir qondarma "Arsax”ı tanımayacaq, lakin beynəlxalq hüququ pozmaq üçün onların dəqiq siqnal vermələri bəllidir. Azərbaycana mənsub olan ərazilər üçün həyəcan keçirməzdən əvvəl, mən fransızlara Korsikanın müstəqilliyini tanımaqları barədə düşünməyi, yaxud da əgər ispanlar basklara sərbəstlik verməyə tələsmirlərsə, o halda etnik ərazini basklara verməyi təklif edərdim. Hələ bretonlar, Fransa Qvianası və Fransa Polineziyası da var. Bəlkə yerli əhali arasında "cavabsız qalan fəryadlara” qulaq asmaq vaxtıdır? Suveren Azərbaycanın beynəlxalq birlik tərəfindən rəsmi şəkildə tanınmış sərhədlərini kobud şəkildə pozmağa cəhd göstərmək əvəzinə, bəlkə özünün keçmiş müstəmləkələrini azadlığa buraxmaq zamanıdır? Əgər hər bir dövlət buna əsas olmadan digər dövlətin suveren ərazisinin bir hissəsini tanıyarsa, o halda biz haraya gedib çıxarıq və nə əldə etmiş olarıq!”.

Onun sözlərinə görə, ATƏT-in Minsk qrupu bu münaqişəni həll etməyə cəhd də göstərməyib və indi, böyük dövlətlərin 30 il ərzində edə bilmədiklərini Azərbaycan əsgərinin bir ay ərzində həll etdiyi bir vaxtda münaqişənin moderatorlarından biri və eyni zamanda, Minsk qrupunun həmsədri olan ölkənin birdən-birə ermənilərin tərəfini tutması qəbuledilməzdir. Axı hakim münaqişənin iştirakçısı ola bilməz, onun vəzifəsi tərəflərdən birinə kömək etmək yox, münaqişəni çözməkdir.

Ukraynalı ekspert sonda deyib: "Axı indi təkcə Bakı və Parisin münasibətləri deyil, Fransanın özünün beynəlxalq nüfuzu da təhlükə altındadır. Belə çıxır ki, fransalı diplomatlar 30 il ərzində guya bu münaqişəni həll etməyə cəhd göstərdiklərini deməklə beynəlxalq birliyi aldadıblar, lakin indi məlum oldu ki, onların yeganə variantı erməni separatçılarını tanımaqdan ibarət imiş.

Dostlar, sizə elə gəlmirmi ki, indən belə "Fransaya aid” sözü yaxşı keyfiyyət və misilsiz nüfuz simvolu olmayacaq? Axı məlumdur ki, nüfuzu uzun illər ərzində qazanmaq lazımdır, onu itirmək isə çox asandır. Beləliklə, bir daha düşünmək Fransa XİN üçün pis olmazdı!”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM