23 Noyabr 2020 12:31
681
SİYASƏT
A- A+

İspaniyanın xarici işlər üzrə dövlət katibi ermənilərin vandalizm aktları barədə məlumatlandırılıb


Azərbaycanın İspaniyadakı səfiri Anar Məhərrəmov bu ölkənin xarici işlər, İbero-Amerika və Karib ölkələri üzrə dövlət katibi - nazir müavini Kristina Qayaç Fiqerasla görüşü zamanı həmsöhbətinə ermənilərin Qarabağda törədikləri vandalizm aktları barədə geniş məlumat verib.

AZƏRTAC xəbər verir ki, görüşdə Azərbaycan Respublikasının Prezidenti, Azərbaycan Silahlı Qüvvələrinin Müzəffər Ali Baş Komandanı İlham Əliyevin rəhbərliyi ilə sentyabrın 27-dən etibarən özünümüdafiə hüququ çərçivəsində, beynəlxalq humanitar hüquqa tam riayət etməklə əks-hücum və cavab tədbirlərini həyata keçirmiş müzəffər Azərbaycan Ordusunun 44 gün davam edən döyüşlərdə şanlı Qələbə qazanaraq işğal altındakı torpaqlarımızı azad etdiyi bildirilib.

Qeyd olunub ki, Ermənistan silahlı qüvvələrinin Azərbaycanın işğal olunmuş ərazilərindən çıxarılmasını özündə əks etdirən, Azərbaycan və Rusiyanın Prezidentləri, Ermənistanın baş naziri tərəfindən imzalanan birgə bəyanata uyğun olaraq ölkəmizin ərazilərini tərk edən Ermənistan qoşunları və əhalisi vandalizm aktları həyata keçiriblər.

Yaşayış məntəqələrinin, habelə ağ fosforlu bombalardan istifadə edilməklə meşələrin yandırıldığı, fauna və floranın məhv edilməsi ilə Ermənistanın növbəti dəfə Azərbaycana qarşı ekoloji cinayətlər törətdiyi, qanunsuz arxeoloji qazıntılar apararaq aşkar olunmuş nadir nümunələrin Ermənistana daşındığı, Azərbaycanın işğal altındakı ərazilərində maddi-mədəni irsinin talan edilməsi barədə faktlar qarşı tərəfin diqqətinə çatdırılıb.

Xüsusi olaraq vurğulanıb ki, Azərbaycanın işğaldan azad edilmiş ərazilərində Ermənistan tərəfindən sosial-iqtisadi infrastruktura, tarixi-mədəniyyət və dini abidələrinə, ətraf mühitə, fərdi və çoxmənzilli yaşayış evlərinə vurulmuş külli miqdarda maddi zərər beynəlxalq ekspertlər tərəfindən qiymətləndiriləcək, Ermənistanın Azərbaycan tərəfinə təzminatın ödənilməsinin təmin edilməsi məqsədilə beynəlxalq məhkəməyə müraciət olunacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video