04:00 18 Iyun 2021
ONLINE XƏBƏR LENTİ
01:47 18.06.2021

OLMADI, QARDAŞ!


01:46 18.06.2021

Halal qazanc torpaqdadır


01:37 18.06.2021

Yeni tarixi mərhələ


01:30 18.06.2021

“Dağınıq skleroz xəstəliyinə tutulmuş şəxslərə dövlət qayğısı haqqında”, “Həbs yerlərində saxlanılan şəxslərin hüquq və azadlıqlarının təmin edilməsi haqqında”, “Yaşıllıqların mühafizəsi haqqında”, “Uşaqların icbari dispanserizasiyası haqqında”, “Tütün məmulatlarının istifadəsinin məhdudlaşdırılması haqqında”,  “Peşə təhsili haqqında”, “Əlilliyi olan şəxslərin hüquqları haqqında”, “Psixoloji yardım haqqında” və “Ümumi təhsil haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2021-ci il 4 may tarixli 312-VIQD nömrəli Qanununun  tətbiqi və Azərbaycan Respublikası Prezidentinin “Dağınıq skleroz xəstəliyinə tutulmuş şəxslərə dövlət qayğısı haqqında” Azərbaycan Respublikasının 2012-ci il 7 mart tarixli 303-IVQ nömrəli Qanununun tətbiqi barədə” 2012-ci il 9 aprel tarixli 606 nömrəli, “Uşaqların icbari dispanserizasiyası haqqında” Azərbaycan Respublikasının 2013-cü il 5 mart tarixli 591-IVQ nömrəli Qanununun tətbiqi  barədə” 2013-cü il 10 aprel tarixli 861 nömrəli, “Peşə təhsili haqqında” Azərbaycan Respublikasının 2018-ci il 24 aprel tarixli 1071-VQ nömrəli Qanununun tətbiqi barədə” 2018-ci il 18 iyun tarixli 140 nömrəli, “Əlilliyi olan şəxslərin hüquqları haqqında” Azərbaycan Respublikasının 2018-ci il 31 may tarixli 1153-VQ nömrəli Qanununun tətbiqi barədə” 2018-ci il 18 iyul tarixli 213 nömrəli, “Psixoloji yardım haqqında” Azərbaycan Respublikasının 2018-ci il 7 dekabr tarixli 1385-VQ nömrəli Qanununun tətbiqi barədə” 2019-cu il 21 yanvar tarixli 482 nömrəli, “Ümumi təhsil haqqında” Azərbaycan Respublikasının 2019-cu il 29 mart tarixli 1532-VQ nömrəli Qanununun tətbiqi barədə” 2019-cu il 27 may tarixli 711 nömrəli fərmanlarında dəyişiklik edilməsi haqqında


01:29 18.06.2021

“Şəkərli diabet xəstəliyinə tutulmuş şəxslərə dövlət qayğısı haqqında”, “Qanın, qan komponentlərinin donorluğu və qan xidməti haqqında”, “Yetkinlik yaşına çatmayanların baxımsızlığının və hüquq pozuntularının profilaktikası haqqında”, “Azərbaycan Qızıl Aypara Cəmiyyəti haqqında”, “Arıçılıq haqqında”, “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında”, “Təhsil haqqında”, “Bədən tərbiyəsi və idman haqqında”, “Torpaqların dövlət ehtiyacları üçün alınması haqqında”, “İnsanın immunçatışmazlığı virusunun törətdiyi xəstəliklə mübarizə haqqında” və “Məişət zorakılığının qarşısının alınması haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2021-ci il 4 may tarixli 311-VIQD nömrəli Qanununun tətbiqi və Azərbaycan Respublikası Prezidentinin “Şəkərli diabet xəstəliyinə tutulmuş şəxslərə dövlət qayğısı haqqında” Azərbaycan Respublikası Qanununun tətbiq edilməsi barədə” 2004-cü il 12 fevral tarixli 32 nömrəli, “Qanın, qan komponentlərinin donorluğu və qan xidməti haqqında” Azərbaycan Respublikası Qanununun tətbiq edilməsi barədə” 2005-ci il 18 iyul tarixli 263 nömrəli, “Yetkinlik yaşına çatmayanların baxımsızlığının və hüquq pozuntularının profilaktikası haqqında” Azərbaycan Respublikası Qanununun tətbiq edilməsi barədə” 2005-ci il 9 avqust tarixli 274 nömrəli, “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında” Azərbaycan Respublikası Qanununun tətbiq edilməsi barədə” 2007-ci il 3 iyul tarixli 606 nömrəli, “Bədən tərbiyəsi və idman haqqında” Azərbaycan Respublikası Qanununun tətbiq edilməsi barədə” 2009-cu il 27 avqust tarixli 147 nömrəli, “Təhsil haqqında” Azərbaycan Respublikası Qanununun tətbiq edilməsi barədə” 2009-cu il 5 sentyabr tarixli 156 nömrəli, “Torpaqların dövlət ehtiyacları üçün alınması  haqqında” Azərbaycan Respublikası Qanununun tətbiqi ilə əlaqədar əlavə tədbirlər barədə” 2011-ci il 15 fevral tarixli 382 nömrəli, “İnsanın immunçatışmazlığı virusunun törətdiyi xəstəliklə mübarizə haqqında” Azərbaycan Respublikası Qanununun tətbiqi ilə bağlı əlavə tədbirlər barədə” 2011-ci il 20 aprel tarixli 414 nömrəli fərmanlarında dəyişiklik edilməsi haqqında


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Həkimlər pandemiya ilə mübarizədə də ön sıradadırlar
ANA SƏHİFƏ / SƏHIYYƏ
01:04 27.10.2020


Hazırda ölkəmiz Azərbaycan torpaqlarını 30 ildən çox işğal altında saxlayan erməni təcavüzkarları və COVID-19 pandemiyası ilə müharibə aparır.

Hər iki cəbhədə - istər sentyabrın 27-dən başlayan Vətən müharibəsində, istərsə də koronavirus kimi təhlükəli "düşmənlə” mübarizədə insanların son ümid yeri olan tibb işçilərinin fədakarlığı diqqət mərkəzindədir. Onların bir qismi cəbhə bölgələrində əsgər və zabitlərimizin sağlamlığı keşiyində dayanırsa, bir qismi də neçə aylardan bəri davam edən COVID -19 pandemiyası ilə mübarizədədir. Bu savaşda Bakının küçələrində və respublikanın magistral yollarında hərəkətdə olan təcili yardım xidmətinin tibb heyətinin zəhməti də danılmazdır.

Pandemiyanın ölkəmizə ayaq açdığı ilk gündən Azərbaycan Prezidenti İlham Əliyevin və Birinci vitse-prezident Mehriban xanım Əliyevanın diqqət və qayğısı sayasində qabaqlayıcı tədbirlər həyata keçirilir. Dövlət başçısının tapşırığı ilə koronavirusla mübarizə çərçivəsində tibbi xidmətin keyfiyyətinin daha yüksək səviyyəyə çatdırılması, bu sahədə maddi-texniki bazanın möhkəmləndirilməsi, o cümlədən respublikamızda təcili tibbi yardım stansiyalarının yeni müasir avtomobillər ilə təminatı vacib amillərdən biri kimi qarşıya qoyulmuşdur. Cari ildə ölkəmizə xeyli sayda müasir tipli təcili tibbi yardım maşınları gətirilib. Hazırda ölkəmizdə koronavirus xəstələri üçün 46 xəstəxana, 45 laboratoriya, 11 modul tipli xəstəxana və 2 hospital fəaliyyət göstərir. Aparılan test sayı ölkə üzrə 1 milyonu ötüb. Məqsəd Azərbaycan vətəndaşının sağlamlığının daha etibarlı şəkildə qorunmasıdır.

Koronavirus infeksiyasının Azərbaycan Respublikasının ərazisində geniş yayılmasının qarşısının alınması üzrə dövlət tərəfindən həyata keçirilən tədbirlər çərçivəsində virusla səmərəli mübarizə aparan tibb müəssisələrindən biri də Bakı şəhər Təcili və Təxirəsalınmaz Tibbi Yardım Stansiyasıdır. Koronavirusla mübarizə tədbirlərinin ilk günlərində kollektiv Bakı şəhərinin qeydiyyatda olan və olmayan vətəndaşlarına, eləcə də xidməti ərazisi hesab edilməyən Abşeron rayonu, Xırdalan və Sumqayıt şəhəri, Masazır, Saray, Ceyranbatan qəsəbəsi əhalisinin sağlamlığı üçün səfərbər olmuşdu. Çağırışların çoxluğuna, ərazinin genişliyinə baxmayaraq, stansiyanın əməkdaşları üzərlərinə düşən işləri vaxtında və qüsursuz icra etməyə çalışmışlar.

Demək olar ki, gün ərzində "103” xidmətinə təxminən 2000-2500 çağırış daxil olur. Kollektiv gücləndirilmiş iş rejimində fəaliyyət göstərir, xəstələrin vaxtında hospitalizasiyası və təmasda olanların təcrid edilməsi məqsədilə gündəlik növbəyə çıxan təcili yardım briqadalarının sayı əlavə təşkil edilmiş feldşer briqadalarının, məzuniyyətlərin və təkmilləşmə kurslarına göndərişlərin müvəqqəti dayandırılması hesabına artırılmış, fasiləsiz iş rejimi təşkil edilmişdir.

Pandemiyanın geniş yayıldığı bu günlərdə tibb heyəti çağırış ünvanlarına özlərini vaxtında çatdıraraq, yüksək hərarət, tənəffüs çatışmazlığı, ağırlaşmaya səbəb ola biləcək hər hansı digər xəstəliklər aşkar edildiyi halda, onları stasionara yerləşdirirlər. Bu zaman qanın oksigenlə təchiz olunmasının faiz göstəricisi də vacib rol oynayır. Hospitalizasiya olunan yoluxmuş şəxslərin ailə üzvlərindən və iş yerində onlarla təmasda olanlardan da müayinə materialları götürülür.

İyun ayının sonlarından Səhiyyə Nazirliyinin rəhbərliyi ilə poliklinikalar infeksiya ilə mübarizə tədbirlərinə cəlb edildikdən sonra virusa yoluxmuş şəxslərdə ağırlaşmalarda azalma qeyd edildi. Belə ki, yüngül və ya simptomsuz gedişli xəstələr adətən yuxarı tənəffüs yollarının iltihabı və zəiflik səbəbi ilə poliklinikalara müraciət edirlər. Bu zaman yoluxmaya şübhəli şəxslərdən virusun aşkarlanması üçün laborator müayinə materialı götürülür və xəstəliyə erkən dövrdə diaqnoz qoyularaq müalicəyə başlanılır. Hazırda poliklinikalar bu sahədə fəaliyyətlərini davam etdirirlər.

Bakı şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev xüsusi olaraq bildirdi ki, bütün bunlara baxmayaraq, Azərbaycan Prezidentinin tapşırıq və tövsiyələrinə əsasən Səhiyyə Nazirliyi tərəfindən qarşımıza qoyulan xidməti borcumuzu yüksək səviyyədə yerinə yetirməyə çalışırıq. Bunun üçün dövlətimiz tərəfindən bizə lazımi şərait də yaradılıb. Cənab Prezident çıxışlarında dəfələrlə vurğulayıb ki, "Bu mübarizədə əsas yük həkimlərin üzərinə düşür”. Bu ifadə bizdə qürur hissi yaratmaqla, həm də məsuliyyətimizi daha da artırır. Tibb işçilərinə göstərilən etimad və etibarı doğrultmaq üçün bundan sonra da

COVID-19-la mübarizədə üzərimizə düşən vəzifəni layiqincə yerinə yetirməyə davam edəcəyik.

Rəhman SALMANLI,

"Azərbaycan”



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM