jpg-1713653616.jpg)
Azərbaycandan dünyaya örnək hərbi əməliyyat: 5-ci nəsil müharibə
Azərbaycan Ordusu Ermənistanın təxribatlarına cavab olaraq həyata keçirdiyi əks-hücum əməliyyatı ilə dünya hərb tarixində yeni səhifə açıb. Dünyanın müxtəlif ölkələrini təmsil edən hərbçilərin, bu sahə üzrə mütəxəssislərin fikrincə, Azərbaycan XXI əsrdə müharibə aparmağın parlaq nümunəsini ortaya qoyub.
Bunu AZƏRTAC-a açıqlamasında ekspert, Azərbaycan Jurnalistlər Şəbəkəsi İctimai Birliyinin sədri Ayaz Mirzəyev bildirib.
A.Mirzəyev deyib: "Artıq beynəlxalq hərbi dairələrdə də belə bir yanaşma mövcuddur ki, bu müharibə 5-ci nəsil silahlarla təchiz olunan Azərbaycan Ordusu ilə 2-ci nəsil silahlara sahib Ermənistan silahlı qüvvələri arasında olan hərbi əməliyyatdır. Azərbaycan Ordusu tabeliyində olan müasir silahları tətbiq etməklə döyüşlərin ilk saatından başlayaraq düşmənə ağır zərbələr endirir. Düşmənin çoxlu sayda texnikasını, artilleriya sistemini, ilk olaraq hava hücumundan müdafiə sistemini məhv edir. Onların sırasında S-300 raket kompleksi və hətta "Tor-2MK” tipli raket kompleksi də var. Döyüş əməliyyatları zamanı düşməndən çoxlu sayda qənimətlər götürülüb - tanklar, piyadaların döyüş maşınları, eləcə də döyüş meydanında düşmənin yüzlərlə canlı qüvvəsi məhv edilib.
Bu gün Azərbaycan Ordusu müharibəni yeni texnoloji yanaşmalar əsasında aparır. Ordumuz "minimum itki, maksimum nəticə” prinsipi ilə döyüşür. Bu da onu göstərir ki, ordumuz 15 il müddətində hərbi büdcəsini əbəs yerə yüksələn xətt üzrə artırmayıb. Azərbaycan uzun illər ən müasir silahların alınması, pilotsuz uçuş sistemlərinin əldə edilməsinə xüsusi diqqət yetirib. Bu kimi addımlar bu gün bəhrəsini verir və sözdə deyil, artıq əməldə Azərbaycan Ordusu imkanlarını, döyüş qabiliyyətini sübut edir. Təsadüfi deyil ki, Azərbaycan Ordusunun döyüş taktikasını dünyanın ən güclü ordularından birinə sahib olan ABŞ da etiraf edir. ABŞ ordusunun Quru Qoşunlarının Baş qərargah rəisi, ordu generalı Ceyms MakKonvill mətbuata verdiyi açıqlamada bildirib ki, Azərbaycanın Qarabağda apardığı müharibə öyrənilməsi və gələcək doktrinaların, taktikaların dəyişdirilməsi baxımından əhəmiyyət daşıyır. Amerika ordusunun rəsmisi açıq şəkildə bildirib ki, azərbaycanlıların taktikası dünyanın ordu təmsilçilərini tankların döyüşdə asan hədəf olması, ləng hərəkət etməsi və ümumiyyətlə, müasir savaşın çox bahalı vasitəsi olması ilə bağlı düşünməyə vadar edir. Bununla belə Azərbaycan Ordusu tam hərbi qaydalara uyğun olaraq müharibə aparır.
"Azərbaycan Ordusu konvensional müharibə praktikasını əsas tutmaqla onu yeni elementlərlə - yüksək dəqiqlikli silahların tətbiqini genişləndirmək, "vertikal zərbə” taktikasına (döyüşün müqəddəratının həllində dronların rolu) üstünlük vermək, mülki əhaliyə və dinc infrastruktura heç bir zərər vurmamaq və dolayı fəaliyyətlər strategiyasından yalnız legitim hərbi hədəflər üçün istifadə etməklə zənginləşdirmiş oldu. Yüksək peşəkarlıqla öz vəzifəsini yerinə yetirən Azərbaycan Ordusu hərbi əməliyyatların lokal müharibə hüdudlarından kənara çıxmamağa, üçüncü dövlətlərin müdaxiləsinə yol verməməyə və döyüş zamanı beynəlxalq qaydalara və normalara əməl etməyə çalışır.
A.Mirzəyev bildirib ki, rusiyalı hərbi ekspert, "Milli Müdafiə” jurnalının baş redaktoru İqor Korotçenko Azərbaycan Ordusunu nəzərdə tutaraq bir ordunun başqa bir ordu ilə döyüşdə silahlardan bu qədər yüksək dəqiqliklə istifadə etməsi nümunəsinin dünyanın hələ görmədiyini qeyd edib. Hərbi ekspertin qənaətinə görə, hücum dronlarının istifadəsinin miqyası və intensivliyi baxımından Azərbaycanın yürütdüyü əməliyyat dünya tarixində ilkdir. Nə ABŞ, nə Rusiya, nə İsrail, nə də dünyanın başqa bir ölkəsi döyüş meydanında belə miqyasda dronlardan istifadə etməyib. Bu tip qarşıdurmalarda PUA-lar mübahisəsiz-filansız öz üstünlüyünü sübut edir. Eyni zamanda, Azərbaycan PUA-lardan məharətlə istifadə etməklə canlı qüvvə itkisini də minimuma endirib. Azərbaycan hərbi uğurlar qazanmaqla, eyni zamanda, Dağlıq Qarabağda yaşayan mülki şəxslərin həyatını da qoruyub saxlayır. Başqa sözlə, Qarabağda Azərbaycan Ordusunun apardığı müharibə dünya hərb tarixində yeni səhifənin açılmasını şərtləndirib.
"Dünyanın istənilən nöqtəsində baş verən müharibədə qələbənin təmin olunması üçün bir neçə vacib tələblər var: düşünən beyin və vuran əllərdən ibarət canlı qüvvə, müasir texniki imkanlar, davamlı hərbi təminat və əhval ruhiyyə... Bu tələblər təmin olunursa, döyüş meydanında uğur mütləq təmin edilir. Azərbaycan Ordusunda bunların hamısı var. Əlbəttə ki, bütün bu prosesə peşəkarlıqla liderlik edən Ali Baş Komandandır. Məhz Prezident İlham Əliyevin təşəbbüsü ilə ildən-ilə hərbi büdcəmiz məqsədyönlü şəkildə artırılıb. Nəticə isə göz önündədir. Bu gün döyüş meydanında hər bir vətəndaş formalaşdırılmış hərbi büdcənin bəhrəsini görür, özünün bu prosesdə bilavasitə iştirakına sevinir. Bu gün Azərbaycan Ordusunun ən müasir silahlarla təchizatı, döyüş imkanları, peşəkarlıq səviyyəsi və qələbə əzmi o səviyyədədir ki, Ali Baş Komandanın bütün döyüş tapşırıqları uğurla icra edilir.
Azərbaycan Ordusu, şəxsi heyət heç bir çətinliklərdən qorxmur, döyüşmək üçün irəli atılır və düşmənin canlı qüvvəsini məhv edir. Məhz bunun nəticəsidir ki, döyüş bölgəsində minlərlə düşmən cəsədi qalıb. Hətta itkilərin çoxluğu səbəbindən qarşı tərəf öz cəsədlərinə də sahib çıxmaq istəmir. Bu gün Azərbaycan Ordusunun ən mühüm strateji yüksəklikləri ələ keçirib və bu, bizim üçün yeni imkanlar açır. Bu gedişlə qısa müddətdə düşmənin müqavimətinin tam olaraq qırılması və ərazilərimizin hamısının azad edilməsinin şahidi olacağıq”, - deyə Ayaz Mirzəyev bildirib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
10:30
25 Aprel
25 Aprel
DİM sertifikasiya imtahanı materiallarının hazırlanması üçün mütəxəssisləri əməkdaşlığa dəvət edir...
10:22
25 Aprel
25 Aprel
Bakının bir sıra yollarında sıxlıq müşahidə olunur - SİYAHI
10:05
25 Aprel
25 Aprel
DİN: Ötən gün ölkə ərazisində 63 cinayətin üstü açılıb
10:01
25 Aprel
25 Aprel
Azərbaycan nefti bahalaşıb
10:01
25 Aprel
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
09:56
25 Aprel
25 Aprel
Vaşinqtonda “erməni soyqırımı” yalanlarına qarşı dinc aksiya keçirilib
09:55
25 Aprel
25 Aprel
Türkiyə kosmik düşərgəsində Vətən müharibəsinin şəhid uşaqları üçün kvota ayıracaq ...
09:54
25 Aprel
25 Aprel
Ağ ev: Rusiya nüvə başlığı daşıya bilən peyk hazırlayır
09:54
25 Aprel
25 Aprel
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib...
09:49
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
