jpg-1713653616.jpg)
Cəbhə bölgəsində olan isveçrəli jurnalist məcburi köçkünlər haqqında: “Onlar atəş altında geri dönmələrini gözləyirlər”
İsveçrənin tanınmış jurnalisti, postsovet məkanı üzrə araşdırmaçı və Ermənistan-Azərbaycan Dağlıq Qarabağ münaqişəsindən bəhs edən "Unudulmuş münaqişə” kitabının müəllifi Andre Vidmerin ”Frankfurter Allgemeine Zeitung” qəzetində "Onlar atəş altında geri dönmələrini gözləyirlər” başlıqlı məqaləsi dərc olunub. https://www.faz.net/aktuell/politik/ausland/fluechtlinge-aus-karabach-sie-warten-unter-beschuss-auf-ihre-rueckkehr-17008236.html?premium&service=printPreview
AZƏRTAC xəbər verir ki, hazırda Tərtərdə olan A. Vidmer məqaləsində 30 ilə yaxın müddət ərzində azərbaycanlı məcburi köçkünlərin öz evlərinə geri qayıdacaqlarına ümid etdikləri qeyd edir. Məqalədə gün ərzində partlayışların eşidildiyi, tez-tez raket atəşlərinin açılması, evlərin pəncərələrinin və tavanlarının yararsız vəziyyətə düşdüyü və Tərtərin Marqusovan (Şıxarx) adlı məcburi köçkun qəsəbəsinin əhalisinin gecələr hava hücumundan qorunmaq üçün anbarlarda gecələdikləri bildirilir. Bu qəsəbənin cəbhə xəttinə yaxın olması və burada əsasən 1991-1994-cü illərdə baş vemriş birinci Dağlıq Qarabağ münaqişəsi zamanı məskunlaşmış təqribən 1100 məcburi köçkünün yaşaması oxuyucuların diqqətinə çatdırılır. Məqalədə həmçinin Tərtərin əhalisinin bir çox hissəsinin hal-hazırda cəbhədə döyüşdüyü də qeyd edilir.
Məqalədə bildirilir ki, 26 il erməni qüvvələrinin nəzarəti altında olan Dağlıq Qarabağ və yeddi ətraf rayonun uğrunda ikinci müharibə sentyabrın 27-də yenidən alovlanıb və hər iki tərəf bir-birini qarşılıqlı şəkildə atəşin açılmasında günahlandırır. A.Vidmer hal-hazırkı vəziyyətə baxmayaraq, yaşadığı Marqusovan qəsəbəsini tərk etməyən Xalıq Hümbətovun fikirlərinə məqalədə yer verir və qeyd edir ki, X.Hümbətov evlərinin əslində bu qəsəbədə yox, Madagiz (Suqovuşan) kəndində olduğunu və həmin kəndin Azərbaycan ordusu tərəfindən artıq azad edildiyini deyir. X.Hümbətov Azərbaycan Respublikasının Müdafiə Nazirliyi tərəfindən yayılan və azad olmuş ərazilərin əks olunduğu videogörüntülərdən birində özünün əvvəlki evini, daha doğrusu onun qalıqlarının gördüyünü söyləyir. Yazıda X.Hümbətovun 1993-cü ildə Maqadiz kəndinən məcbur olaraq köçdüyünü və valideynlərini müharibədə itirməsi qeyd olunur.
Daha sonra A.Vidmer 1994-cü ildə atəşkəsin imzalanmasını, lakin münaqişənin həll olunmadığını, 30.000-ə yaxın insanın həlak olduğunu, 800.000 azərbaycanlının məcburi köçkün həyatı yaşamağa məcbur qaldığını və Azərbaycan Respublikasının beynəlxalq şəkildə tanınmış ərazisinin 20 faizə yaxın hissəsinin Ermənistanın nəzarəti altında olduğunu qeyd edir.
Məqalədə Dağlıq Qarabağda etnik cəhətdən ermənilərin azərbaycanlılara nisbətdə çoxluq təşkil etsə də, işğal edilən ətraf yeddi ərtaf rayonlarının əhalisinin 90 faizinin azərbaycanlılardan ibarət olması bildirilir və əhalinin bu rayonlardan qovulması diqqətə çatdırılır. Eyni zamanda məqalədə qeyd edilir ki, 20 ildən çox bir müddətdə ATƏT-in Minsk qrupu və eləcə də çoxlu sayda ikitərəfli görüşlər çərçivəsində diplomatik həllin tapılması mümkün olmayıb. Ermənilər danışıqlarda israrla dünyanın heç bir dövləti tərəfindən və eləcə də Ermənistanın özü tərəfindən tanınmayan "Dağlıq Qarabağ Respublikası”nın öz müqəddəratını təyin etmək hüququna istinad etsələr də, Azərbaycan tərəfi beynəlxalq hüquqa və ölkənin ərazi bütövlüyünün bərpa olmasının vacibliyi üzərində dayanıb.
Məqalədə həmçinin Ermənistanın baş naziri Nikol Paşinyanın ritorikası və mövqeyi, eləcə də bu ilin sentyabr ayında "Dağlıq Qarabağ Respublikası”nın parlamentinin Şuşa şəhərinə köçürüləcəyini elan etməsi və azərbaycanlılar üçün milli mədəniyyət və musiqisinin beşiyi sayılan Şuşa ilə bağlı qıcıqlandırıcı addımlarından bəhs olunur.
Məqalənin yekununda Xaliq Hümbətov kimi digər qaçqınların da öz ata-baba yurdlarına qayıdacaqlarını səbirsizliklə gözlədikləri yazılır.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
COP29 ərəfəsində "yaşıl külək"
08:40
25 Aprel
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
08:35
25 Aprel
25 Aprel
Azərbaycan-Çin əlaqələri dostluğa və qarşılıqlı maraqlara söykənir
08:30
25 Aprel
25 Aprel
Sahibkarlar iqtisadi inkişafın aparıcı qüvvəsidir
08:25
25 Aprel
25 Aprel
"Delimitasiya Hayastanın xilası olacaq"
08:20
25 Aprel
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
08:15
25 Aprel
25 Aprel
Fransanın Azərbaycanın uğurlarını seyr etməkdən başqa yolu yoxdur
08:10
25 Aprel
25 Aprel
Azərbaycan və Ermənistan arasında delimitasiya istiqamətində koordinatların dəqiqləşdirilməsi proses...
08:05
25 Aprel
25 Aprel
Tərəfdaşlıqdan strateji müttəfiqliyə
08:00
25 Aprel
25 Aprel
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
04:10
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
