20 Oktyabr 2020 22:38
487
SİYASƏT
A- A+

İndoneziya ictimaiyyəti Ermənistan-Azərbaycan münaqişəsi barədə ətraflı məlumatlandırılıb


İndoneziya İslam Əməkdaşlıq Təşkilatı Gənclər Təşkilatının (İndoneziya İƏT GT) təşəbbüsü və Azərbaycanın bu ölkədəki səfirliyinin dəstəyi ilə Ermənistan-Azərbaycan münaqişəsinə, xüsusilə son günlərdə Ermənistanın ölkəmizə qarşı yönəlmiş yeni təxribatlarına həsr olunmuş vebinar keçirilib. Tədbirin keçirilməsində əsas məqsəd Ermənistan-Azərbaycan Dağlıq Qarabağ münaqişəsi ilə əlaqədar hazırda cərəyan edən prosesləri daha geniş kütləyə çatdırmaqdan ibarət olub.

AZƏRTAC xəbər verir ki, İndoneziya parlamentinin Nümayəndələr Palatasının Parlamentlərarası əməkdaşlıq komitəsinin sədri Fadli Zon, İndoneziya İƏT Gənclər Təşkilatının prezidenti Şafi Əfəndi, İƏT Gənclər Forumunun sabiq vitse-prezidenti Tantan Taufiq Lubis, Azərbaycanın bu ölkədəki səfirliyinin müşaviri Gültəkin Həbibli, Xaricdəki İndoneziyalı Tələbə Assosiasiyaları Alyansının əlaqələndiricisi Çoyrul Anam, Muhammadiyah Universitetinin professoru Vahid Ridvan, Azərbaycanda Təhsil Alan İndoneziyalılar Assosiasiyasının sədri Alif Paramardhika, həmçinin İndoneziyada təhsil almış Anar Yusifzadə və Elmar İskəndərov, həmçinin bir sıra indoneziyalı vebinarda çıxış edərək Azərbaycan həqiqətləri barədə ətraflı danışıblar.

İndoneziya İƏT Gənclər Təşkilatının prezidenti Şafi Əfəndi Ermənistanın Azərbaycana qarşı son təxribatlarını pisləyib, rəhbərlik etdiyi təşkilatın adından məsələ ilə bağlı bəyanat verildiyini diqqətə çatdırıb.

Səfirliyin müşaviri Gültəkin Həbibli Ermənistan-Azərbaycan münaqişəsi və Ermənistanın ölkəmizə qarşı son təxribatları barədə geniş məlumat verib. Oktyabrın 10-da əldə edilən humanitar atəşkəs razılaşmasına əməl etməyən Ermənistan tərəfinin Azərbaycanın mülki əhalisini hədəfə aldığını qeyd edən müşavir təcavüzkar ölkənin Gəncə, Tərtər, Mingəçevir və digər şəhərlərinə raket hücumları etməsi nəticəsində onlarca mülki şəxsin həlak olduğunu və yaralandığını bildirib. Bunun əksinə olaraq, Azərbaycan Ordusunun bu günədək mülki əhaliyə və yaşayış məntəqələrinə atəş açmadığını qeyd edib.

İndoneziyalı parlamentinin üzvü F.Zon Ermənistan–Azərbaycan münaqişəsinin siyasi və hüquqi aspektləri barədə məlumat verib, problemin ölkəmizin ərazi bütövlüyü çərçivəsində həllinin vacibliyini qeyd edib. O, oktyabrın 7-də yaydığı bəyanatda bu məsələyə xüsusi yer verdiyini vurğulayıb.

Tədbirdə çıxış edən A.Yusifzadə, E.İskəndərov və digər azərbaycanlılar, həmçinin İndoneziyanın akademik dairələrini təmsil edən iştirakçılar münaqişə haqqında ətraflı bəhs edib, onun tarixi və müasir proseslər barədə ətraflı fikir mübadiləsi aparıblar.

İƏT Gənclər Forumunun sabiq vitse-prezidenti Tantan Taufiq Lubis sentyabrın 27-də Ermənistan silahlı qüvvələrinin Azərbaycana qarşı hərbi təcavüzü başlanandan etibarən Dağlıq Qarabağ və Xocalı həqiqətlərinin, Azərbaycanın haqq işinin İndoneziya ictimaiyyətinə çatdırılması, eyni zamanda, erməni vandalizminin indoneziyalı rəsmilər tərəfindən qınanması istiqamətində əməli fəaliyyətin davam etdirildiyini diqqətə çatdırıb. O, Ermənistan tərəfinin humanitar atəşkəs razılaşmasını kobud şəkildə pozaraq Azərbaycanın müxtəlif bölgələrindəki mülki əhalini raket zərbələrinə məruz qoyması nəticəsində həyatını itirənlərin və yaralananların olmasından təəssüf hissi keçirdiyini bildirib. Erməni vandalizminin İndoneziya ictimaiyyətinə çatdırılması məqsədilə zəruri tədbirlər görüldüyünü qeyd edib.

Sonda tədbir iştirakçılarının mövzu ilə bağlı sualları cavablandırılıb, "#KarabakhiIsAzerbaijan” və "#WeStandWithAzerbaijan” şüarları səsləndirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video