20 Oktyabr 2020 22:30
384
SİYASƏT
A- A+

Peşəkar jurnalist, Azərbaycanın və AZƏRTAC-ın dostu Hi Pinq Çinin Sinxua agentliyinin prezidenti təyin edilib


Peşəkar jurnalist, Azərbaycanın və AZƏRTAC-ın dostu Hi Pinq Çinin Sinxua milli xəbər agentliyinin prezidenti təyin edilib.

AZƏRTAC xəbər verir ki, son bir neçə ildə Sinxuada nazir statusunda baş redaktor kimi çalışan Hi Pinq bu vəzifədə uzun illər agentlikdə informasiya buraxılışına rəhbərlik edib.

Xüsusi qeyd etmək lazımdır ki, Hi Pinq Sinxua ilə AZƏRTAC arasında əməkdaşlığın inkişafında mühüm rol oynayıb. Onun başçılıq etdiyi nümayəndə heyəti 2018-ci ilin sentyabrında Azərbaycanda səfərdə olub. AZƏRTAC-ın İdarə Heyətinin sədri Aslan Aslanov ilə görüşdə agentliklərimiz arasında səmərəli əməkdaşlığın dövlət başçıları İlham Əliyevin və Si Cinpinin ölkələrimizin münasibətlərinin möhkəmləndirilməsi ilə bağlı hədəflərinə uyğun olduğu vurğulanmışdı.

Azərbaycan Prezidenti İlham Əliyev Hi Pinqin rəhbərlik etdiyi Sinxua nümayəndə heyətini qəbul etmiş, iki ölkənin milli xəbər agentliklərinin yüksək əməkdaşlıq əlaqələrindən məmnunluğunu bildirmişdi. Hi Pinq Prezident İlham Əliyevin Azərbaycan-Çin münasibətlərinin inkişafına verdiyi böyük önəmi xüsusi vurğulamış, bunun nəticəsində iki ölkənin əməkdaşlıq əlaqələrinin dərinləşdiyini bildirmişdi. Azərbaycanda gedən sürətli inkişaf proseslərinin şahidi olduğunu deyən Hi Pinq Sinxua ilə AZƏRTAC arasında əməkdaşlıq haqqında imzalanan sənədlərin əhəmiyyətini qeyd edərək, bu əlaqələrin daha da genişləndirilməsinin vacibliyini diqqətə çatdırmışdı.

Hi Pinq Bakıda olduğu müddətdə paytaxtımızın tarixi yerlərinə baş çəkmiş, Bibiheybət mədəninin ərazisində dünyada sənaye üsulu ilə qazılmış ilk neft quyusu ilə tanış olmuşdu.

Qeyd edək ki, Hi Pinqin Bakıya səfərindən bir neçə ay əvvəl - 2018-ci ilin iyun ayında Pekində AZƏRTAC ilə Sinxua arasında informasiya mübadiləsinə dair Əməkdaşlıq Sazişini Sinxua tərəfdən məhz Hi Pinq imzalamışdı. Azərbaycan Prezidenti İlham Əliyevin də iştirak etdiyi II "Bir kəmər, bir yol" Beynəlxalq Əməkdaşlıq Forumunun nəticələrinin icrası istiqamətində Çinin Sinxua agentliyinin təşəbbüsü ilə yaradılan "Bir kəmər, bir yol" İqtisadi İnformasiya Tərəfdaşlığı platformasına AZƏRTAC-ın təsisçi-üzv statusunda qoşulmasına da Hi Pinq dəstək verib.

AZƏRTAC ilə Sinxuanın 2003-cü ildən başlayan əməkdaşlığı dövründə birgə fotosərgilər, təqdimatlar, informasiya və təcrübə mübadiləsi həyata keçirilib. Eyni zamanda, hər iki agentlik Dünya Xəbər Agentlikləri Konqresində, AZƏRTAC-ın hazırda vitse-prezident olduğu Asiya və Sakit Okean Ölkələri İnformasiya Agentlikləri Təşkilatında (OANA) sıx əməkdaşlıq edirlər. Sinxua AZƏRTAC-ın ölkəmizin inkişafı, Azərbaycanda baş verən yeniliklərlə bağlı ayda 10-15 xəbərini öz saytında yerləşdirir. Həmçinin Sinxua Azərbaycanla bağlı məlumatları ölkənin əsas xəbər mənbəyi olan AZƏRTAC-dan alır. AZƏRTAC-ın Çin dilində informasiyaları isə həm Sinxuada, həm də ölkənin digər nüfuzlu KİV-lərində yayımlanır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video