16 Oktyabr 2020 17:22
895
DÜNYA
A- A+

Liviyada yeni kütləvi məzarlar aşkarlanıb

Liviya ordusu ölkənin qərbində yerləşən, 4 ay əvvəl azad edilmiş Tərxunə şəhərində kütləvi məzarlar aşkar edir. Orada general Xəlifə Həftərin qanunsuz silahlı birləşmələrinin nəzarətində olan 9-cu briqada yerləşirdi. Briqada Liviya hökumətinin tərəfdarlarına münasibətdə qəddarlığı və vəhşiliyi ilə ad qazanmışdır. Azad edildikdən sonra təkcə Tərxunədə 250 nəfərdən çox adamın itkin düşdüyü bildirilmişdir. İndiyədək ölkənin bu regionunda 70 nəfərin cəsədi olan 14 kütləvi məzar aşkar olunmuşdur. Bir konteynerdə və bir neçə xəstəxananın zirzəmisində tapılmış meyitlərlə birlikdə ümumilikdə Tərxunədə Həftər tərəfdarlarının 250 qurbanının cəsədi aşkarlanmışdır.

Liviyanın Milli Barışıq Hökuməti Tərxunədə törədilmiş soyqırımına görə Həftəri məsuliyyətə cəlb etmək tələbi ilə BMT-nin İnsan hüquqları üzrə komissiyasına müraciət etmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video