25 Sentyabr 2020 17:04
372
SİYASƏT
A- A+

Oktavian Andronik: Ermənistanın baş naziri məqsədyönlü şəkildə danışıqlar prosesinin format və mahiyyətini sarsıdır


Rumıniyanın bir çox qabaqcıl KİV-lərinin baş redaktoru vəzifəsində çalışmış, siyasi şərhçi, sabiq Prezident İon İlieskunun müşaviri Oktavian Andronik Azərbaycan Prezidenti İlham Əliyevin BMT-nin Baş Assambleyasının 75-ci sessiyasının ümumi debatlarında videoformatda çıxışını təhlil edib. Onun fikirlərinin yer aldığı məqalə Rumıniyanın nüfuzlu "Amosnews” xəbər agentliyinin saytında dərc edilib.

Siyasi şərhçi deyib ki, Prezident İlham Əliyev çıxışında Ermənistanın siyasətinin işğalçı mahiyyətini bir daha dünya ictimaiyyətinin diqqətinə çatdırıb. Qeyd edib ki, Azərbaycanın konstruktiv mövqeyinə zidd olaraq, Ermənistanın baş naziri məqsədyönlü şəkildə danışıqlar prosesinin format və mahiyyətini sarsıdır. Onun "Qarabağ Ermənistandır” bəyanatı danışıqlar prosesinə ciddi zərbə vurub.

Məqalədə Ermənistan silahlı qüvvələrinin Azərbaycanın işğal olunmuş ərazilərindən tezliklə çıxarılmasının, Azərbaycanın ərazi bütövlüyünün bərpa edilməsinin vacibliyi bildirilir. Diqqətə çatdırılır ki, bütün dünya Dağlıq Qarabağı Azərbaycanın tərkib hissəsi kimi tanıyır.

Azərbaycanın işğal edilmiş ərazilərində təbii ehtiyatların qanunsuz istismar edildiyi qeyd olunan məqalədə, həmçinin nasizmin şöhrətləndirilməsinin Ermənistanın dövlət siyasəti olduğu vurğulanır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video