03 Avqust 2020 21:07
687
CƏMİYYƏT
A- A+

Çimərliklərdə tibbi maskaların atılması üçün xüsusi konteynerlər qoyulub


Bakı Şəhər İcra Hakimiyyəti tərəfindən bütün çimərliklərə məsul şəxslər təhkim olunub. Çimərlik operatorları tərəfindən də müəyyən şəxslər ayrılıb ki, orada COVID-19 pandemiyasının yayılmasına qarşı lazım olan tədbirləri həyata keçirsinlər. Çimərliklərdə işləyən bütün qruplarla maarifləndirmə işləri aparılıb, onlara müvafiq təlimatlar verilib.

AZƏRTAC xəbər verir ki, bu sözləri Operativ Qərargahın avqustun 3-də keçirilən brifinqdə Bakı Şəhər İcra Hakimiyyətinin Aparat rəhbəri Elgin Həbibullayev söyləyib.

Aparat rəhbəri diqqətə çatdırıb ki, bütün çimərliklərdə məlumatlandırıcı lövhələr yerləşdirilib. Burada sosial məsafənin saxlanılması, gigiyena qaydalarına riayət olunması və sair məlumatlar yer alıb. Bundan başqa, çimərliyə gələn şəxslərə səsgücləndiricilər vasitəsilə tələblərə riayət olunması ilə bağlı məlumatlar da veriləcək.

O qeyd edib ki, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə 6 nümunəvi ictimai çimərlik hazır vəziyyətdədir. Həmin çimərliklərdə bütün lazımi tədbirlər görülüb və çox gözəl şərait yaradılıb.

Bundan əlavə, bəzi çimərliklərdə sosial məsafənin saxlanılması üçün iplərlə və digər vasitələrlə nişanlanma işləri aparılıb.

E.Həbibullayev, həmçinin bildirib ki, şəhər kommunal strukturları çimərliklərdə dezinfeksiya işlərinin aparılması və məişət tullantılarının vaxtında daşınması gücləndirilmiş iş rejimində çalışacaqlar. Artıq bunun üçün xüsusi qruplar ayrılıb.

Bundan başqa, bütün çimərliklərdə konteynerlər quraşdırılıb. Həmçinin tibbi maskaların atılması üçün xüsusi konteynerlər qoyulub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video