14 Iyul 2020 12:11
380
SİYASƏT
A- A+

İndoneziya saytı Azərbaycan Təhlükəsizlik Şurasının iclası barədə informasiya yayıb


İndoneziyanın "respublika.co.id” saytı Azərbaycan Prezidenti İlham Əliyevin sədrliyi ilə Təhlükəsizlik Şurasının son iclası barədə informasiya yayıb.

AZƏRTAC xəbər verir ki, "İlham Əliyev: Azərbaycan torpaqlarını Ermənistana güzəştə getməyəcəkdir” adlı İndoneziya dilində yayılan xəbərdə iyulun 12-də Ermənistan ordusunun artilleriya qurğularından istifadə etməklə Azərbaycanın Tovuz rayonunu atəşə tutduğu bildirilir. Qeyd edilir ki, yaranmış vəziyyətlə əlaqədar Azərbaycan Prezidenti iyulun 13-də Təhlükəsizlik Şurasının iclasını keçirib. İclasda Ermənistan ordusunun Tovuz rayonu ərazisində, Azərbaycanla birbaşa sərhəddə həyata keçirdiyi təxribat barədə ətraflı məlumat verilib.

İnformasiyada Ermənistanın son aylar belə təxribatları tez-tez törətdiyi, nəticədə Azərbaycan əsgərlərinin və dinc sakinlərin həlak olduğu bildirilib.

Prezident İlham Əliyevin düşmən hücumunun heç bir nəticə vermədiyi barədə fikirlərinin əks olunduğu yazıda Azərbaycanın öz sərhədlərini etibarlı şəkildə qoruduğu da vurğulanıb.

Dövlətimizin başçısının sözləri sitat gətirilərək qeyd edilib: "Bu gün sərhəddə gərgin vəziyyət davam edir. Dünən gecə bütün aidiyyəti qurumlarla, komandanlarla əlaqədə idim. Bu gün səhər tezdən də mənə operativ məlumat verilib və sərhəddə vəziyyət sabitləşməyib. Bütün məsuliyyəti Ermənistanın hərbi-siyasi rəhbərliyi daşıyır. Çünki məhz Ermənistan rəhbərliyinin ikiüzlü və riyakar fəaliyyətinə görə belə hadisələr baş verir”.

Bildirilib ki, Ermənistanın bu hərbi təxribatı Azərbaycan ərazilərini işğal məqsədi daşıyır. Bu, səhv və təhlükəli siyasət Ermənistanı "dərin uçuruma” aparır. Prezident İlham Əliyev deyib ki, Azərbaycan öz sərhədlərinin toxunulmazlığını və ərazilərinin bütövlüyünü qorumaqda davam edəcəkdir. Bununla yanaşı, Ermənistan tərəfindən törədilən təxribat bu ölkənin rəhbərliyinin işğalçı siyasətinin nəticəsidir. "Mən dəfələrlə demişəm, bir daha demək istəyirəm ki, Azərbaycan heç vaxt işğal edilmiş torpaqlarının bu vəziyyətdə qalması ilə barışmayacaq, işğalla barışmayacaq və əlindən gələni edəcək ki, öz ərazi bütövlüyünü bərpa etsin”, – deyə dövlətimizin başçısı vurğulayıb.

İnformasiyada, həmçinin Azərbaycan hökumətinin beynəlxalq təşkilatlara müraciət etdiyi və vəziyyət sabitləşən kimi bu təşkilatların nümayəndələrinin sərhəddəki vəziyyəti öz gözləri ilə görməsi üçün regiona səfərlərinin təşkil olunacağı da əksini tapıb.

Bununla yanaşı, məqalədə Ermənistan-Azərbaycan Dağlıq Qarabağ münaqişəsində Türkiyənin həmişə Azərbaycanın yanında olduğu və onun haqq işini dəstəklədiyi də qeyd edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video