12:12 14 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Türkiyədə və İraqın şimalında PKK-ya qarşı əməliyyatlar keçirilib
ANA SƏHİFƏ / DÜNYA
14:09 12.07.2020

Türkiyənin təhlükəsizlik qüvvələri tərəfindən aparılan təbliğat və inandırma işləri nəticəsində terrorçuların PKK sıralarını tərk etməsi davam edir.

AZƏRTAC xəbər verir ki, hələlik adı tam açıqlanmayan, beş il əvvəl terrorçulara qoşulan qadın terrorçu Mardin vilayətinin Nusaybin rayonunda könüllü olaraq polis məntəqəsinə təslim olub.

Daxili İşlər Nazirliyinin digər məlumatında bildirilir ki, Ərzurumun Şenkaya rayonunda yerləşdirkləri məkan müəyyən edilən üç nəfərlik terrorçu qrupa qarşı xüsusi əməliyyat keçirilib. Axtarışda olan Hejar ləqəbli terrorçu Halis Eroğlu əməliyyat nəticəsində məhv edilib, daha iki terrorçu sağ ələ keçirilib. H.Eroğlunun axtarışı üçün 500 min türk lirəsi (təxminən 70 min ABŞ dolları) vəsait ayrılmışdı. Qara dəniz bölgəsinə keçmək istəyən zərərsizləşdirilmiş qrupdan çoxlu sayda silah və sursat götürülüb.

Milli Müdafiə Nazirliyinin məlumatında isə bildirilir ki, İraqın şimalında həyata keçirilən "Pençe-Kaplan” antiterror əməliyyatları çərçivəsində Haftanin bölgəsində daha iki PKK terrorçusu məhv edilib.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM