Alternative content

09:04 12 Avqust 2020
ONLINE XƏBƏR LENTİ
00:14 12.08.2020 BİLDİRİŞ
00:12 12.08.2020 BİLDİRİŞ
00:12 12.08.2020 BİLDİRİŞ
00:12 12.08.2020 BİLDİRİŞ
00:12 12.08.2020 BİLDİRİŞ
PAYIZ ETÜDLƏRİ - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Himayədarlığın, qayğıkeşliyin mükəmməl örnəyi
Himayədarlığın, qayğıkeşliyin mükəmməl örnəyi
ANA SƏHİFƏ / SİYASƏT
00:32 12.07.2020


Birinci vitse-prezident Mehriban Əliyevanın şəhid ailələrinə göstərdiyi hərtərəfli diqqət davamlı və çoxşaxəli səciyyə daşıyır


Dünya dövlətləri kimi, Azərbaycan da qlobal pandemiya şəraitindədir. İqtisadiyyatdakı geriləməyə baxmayaraq, dövlətin sosial siyasətində dəyişiklik yoxdur, yəni böhrana baxmayaraq heç bir sosial layihə təxirə salınmır, əksinə, keçən illə müqayisədə bu il daha geniş miqyasda həyata keçirilir. Şəhid ailələri, Qarabağ müharibəsi veteranları, qaçqın və məcburi köçkünlər, aztəminatlı ailələrə dövlət qayğısı hər zamankı kimi ön plandadır. Yəni qlobal böhran dövründə də əhalisinin sağlamlığı, sosial müdafiəsinin təmin edilməsi dövlətin qarşısında duran strateji vəzifələrdən biridir.

Prezident İlham Əliyev və Birinci vitse-prezident Mehriban xanım Əliyevanın sosial sahəyə xüsusi diqqət və qayğısı, qəbul edilən qərarlar, imzalanan fərman və sərəncamlar sosial cəhətdən həssas əhali qruplarının etibarlı müdafiə sistemi ilə əhatə olunmasına şərait yaradıb.


Şəhid ailələrinin sosial-məişət problemləri ən yüksək səviyyədə həllini tapır


Xüsusən bu kateqoriyadan olan şəhid ailələrinə həm dövlətin, həm də cəmiyyətin diqqət və qayğısı hər zaman yüksək olub. Bu diqqət və qayğının bariz nümunəsini Birinci vitse-prezident, Heydər Əliyev Fondunun rəhbəri Mehriban Əliyeva göstərir. Onun xidmətlərinin sevinci yüzlərlə şəhid ailəsinin ömür səhifəsinə yazılıb, neçə-neçə ailəyə səadət bəxş edib, onlara həyat eşqi verib, qəlblərdə işıqlı sabaha inam yaradıb.

İnsanlara təmənnasız yaxşılığı, qayğısı, mərhəməti, ehtiyacı olanlara əl tutması, xeyriyyəçiliyi onun siyasətinin prioritetidir. Mehriban xanım Əliyeva hər zaman Vətən uğrunda canından keçən igidlərin ailələrinə, doğma torpaqlarından məcburi köçkün düşmüş vətəndaşlarımıza qayğı ilə yanaşmasını, onların sosial problemlərinin həllinə diqqət göstərməsini və ümumiyyətlə, cəmiyyətin nəzərini bu məsələyə cəlb etməsini daim özünün vətəndaşlıq borcu hesab edib.

2016-cı ilin Aprel döyüşlərində şəhid olmuş gizirlər Adil Adilzadənin və Teymur Qasımovun Mingəçevirdə yaşayan ailə üzvlərinin mənzil şəraitlərinin yaxşılaşdırılması ilə bağlı müraciətə Birinci vitse-prezident tərəfindən dərhal müsbət münasibət bildirilməsi də deyilənlərin bariz təcəssümüdür.

"Zəfər” Şəhid Ailələrinə Dəstək İctimai Birliyinin üzvü olan hər iki ailə uzun müddətdir ki, çətin şəraitdə, qəzalı vəziyyətdə olan evlərdə yaşayırdılar. Qəza vəziyyətində olan evlərinin təmiri ilə əlaqədar ictimai birliyə ünvanlanmış müraciətlə bağlı təşkilat tərəfindən Heydər Əliyev Fondunun rəhbərliyinə məlumat verilib. Fondun prezidenti Mehriban xanım Əliyeva şəhid ailələrinin qəzalı vəziyyətdə olan evlərinin əvəzinə bütün məişət təminatı ilə birlikdə yeni fərdi yaşayış sahəsinin tikilib təhvil verilməsinə dair göstəriş verib. Ən qısa zamanda yeni fərdi yaşayış evləri tikilərək hər iki şəhid ailəsinə təhvil veriləcək.

Mehriban Əliyevanın bu addımı bir daha sübut edir ki, ölkəmizdə koronavirus pandemiyasına qarşı mübarizə aparılan bir dövrdə heç bir sosial layihə diqqətdən kənarda qalmır. Şəhid ailələrinin sosial-məişət problemləri ən yüksək səviyyədə həllini tapır.

Əlbəttə ki, hər bir şəhid ailəsi qəhrəmanlarımızın bizlərə əmanətidir. Hər kəs bu əmanətə hörmət etməyə, qayğı göstərməyə çalışmalıdır. Bizlərə ən mükəmməl örnək Mehriban xanımdır. Birinci vitse-prezidentin uğurla reallaşdırdığı möhtəşəm xeyriyyəçilik missiyası onu milyonların sevimlisinə çevirib və bu əməllər Azərbaycan qadınının humanizm, mərhəmət kimi dəyərlərə malik olduğunu növbəti dəfə nümayiş etdirir.


Müharibə əlillərinə maddi-mənəvi dəstək


Mehriban xanım Əliyevanın bu kateqoriyadan olan insanlara göstərdiyi qayğı genişmiqyaslıdır. Erməni işğalçıları ilə döyüşdə əlil olmuş şəxslərə maddi-mənəvi dəstək, onların sağlamlığının bərpasına lazımi diqqət də Mehriban xanım Əliyevanın humanizm fəaliyyətinin əsasını təşkil edir.

Müharibə əlillərinin əksəriyyəti Birinci vitse-prezidentin köməyi ilə dünyanın nüfuzlu xəstəxanalarında müalicə alır.

Xatırladaq ki, Heydər Əliyev Fondu "2016-cı ilin Aprel döyüşlərində yaralanmış əsgər və zabitlərin yüksək texnologiyalı protezlərlə təmin edilməsi” layihəsini həyata keçirir. Ötən müddət ərzində yüzlərlə zabit və əsgər yüksək texnologiyalı protezlərlə təmin olunub.

Birinci vitse-prezident ötən il protezlərlə təmin olunan hərbçilərlə görüş zamanı vurğulamışdır ki, dövlət onların fəaliyyətini yüksək qiymətləndirir, belə mərd və cəsarətli oğulların olması ilə fəxr edir. Hərbçilərimizin apardığı mübarizə haqq mübarizəsidir. Onların vətənpərvərliyini, qəhrəmanlığını, şücaətini yüksək dəyərləndirən Heydər Əliyev Fondunun prezidenti hər vaxt bu insanlara dəstək olacağını söyləmişdiı: "Siz hər bir insan üçün çox dəyərli olan sağlamlığınızı Vətən, torpaq yolunda qurban vermisiniz. Siz güllələr, bomba altında Azərbaycan uğrunda, torpağımız, Vətənimiz uğrunda həyatınızı qurban verməyə hazır olmusunuz. Mən fəxr edirəm ki, Azərbaycanın belə oğulları var, mənim belə qardaşlarım var”.


"Ev almayan şəhid ailəsi qalmayacaq”


Dövlətin öz vətəndaşlarına göstərdiyi qayğı bütün cəmiyyətimiz, o cümlədən müharibə əlilləri və şəhid ailələri tərəfindən məmnunluqla qarşılanır. Azərbaycanın müstəqilliyi uğrunda canını fəda etmiş şəhidlərimizin ailələrinə ölkə rəhbərliyi tərəfindən göstərilən diqqət gündən-günə artır.

Prezident İlham Əliyev verdiyi fərman və sərəncamlarla şəhid ailələri üçün hər cür şərait yaradır. Şəhid ailələrinə mənzillər təqdim edilir, müavinətlər, Prezident təqaüdü verilir. Bu kateqoriyadan olan ailələrin bir sıra üstünlükləri də var. Onların işə düzəlməsində güzəştlər olunur, şəhid ailələrinin övladlarının ali məktəbdə oxuması üçün dövlət təminatı var, güzəştli şərtlərlə mənzil tikmək üçün torpaq verilir, onlara ipoteka kreditləri verilir. Bütövlükdə Azərbaycanda şəhid ailələrinə həm maddi, həm də mənəvi dəstək göstərilir.

2018-ci ildə keçirilən prezident seçkilərindəki qələbəsindən sonra cənab İlham Əliyevin imzaladığı ilk fərmanın da şəhid ailələri ilə bağlı olması bunu təsdiqləyən reallıqdır. Şəhid ailələrinə birdəfəlik ödəmənin verilməsini nəzərdə tutan bu fərman onların sosial müdafiəsinin yaxşılaşdırılması istiqamətində ən mühüm addımlardan olmaqla ölkə vətəndaşlarının rifahının yüksəldilməsinə xidmət edən ən humanist addımlardan biri kimi qəbul edilməlidir.

Ötən il yanvarın 28-də Prezident İlham Əliyev və birinci xanım Mehriban Əliyevanın şəhid ailələri ilə görüşməsi, Prezidentin "ev almayan şəhid ailəsi qalmayacaq” fikrini bəyan etməsi həm ölkə vətəndaşlarını qürurlandırdı, həm də hər kəsə şəhid ailələrinə münasibətin necə olmasının nümunəsini göstərdi. Azərbaycan vətəndaşı, xüsusilə də ən həssas təbəqə olan şəhid ailələri, müharibə əlilləri bir daha gördülər ki, dövlət də, ölkənin lideri də hər zaman onların yanındadır, daim onlara sahib çıxıb və bundan sonra da belə olacaq.

Əslində, Prezident, həmçinin Mehriban xanım Əliyeva mütəmadi olaraq bu kateqoriyadan olan insanlarla görüşür, onları dinləyir və hər dəfə də yeni himayədarlıq nümunəsi nümayiş etdirirlər. Onu da vurğulayaq ki, şəhid, o cümlədən məcburi köçkün ailələri və müharibə əlilləri ilə Prezidentin hər görüşü səmimi ovqatı, xoş ünsiyyəti ilə əlamətdar olur, rəsmiyyətçilik məhdudiyyətini tamamilə aşır.


Bu il şəhid ailələrinə rekord sayda - 1500 mənzil veriləcək


Vətənimizin ərazi bütövlüyü, dövlətimizin, müstəqilliyimizin qorunması uğrunda şəhid olmuş igid Azərbaycan övladlarının xatirəsinin əbədiləşdirilməsi ilə bərabər, onların ailələrinin sosial müdafiəsinin gücləndirilməsi üçün aparılan ardıcıl işlər cənab İlham Əliyevin və Mehriban xanım Əliyevanın şəhidlərimizin ruhuna sonsuz ehtiram hissindən, şəhid ailələrinə böyük qayğısından irəli gəlir.

Pandemiya şəraitində yaşasaq da, ölkədə müharibə əlilləri və veteranları ilə yanaşı, şəhid ailələrinin mənzillə təminatında heç bir problem yaşanmır. Dövlət bu istiqamətdə sosial layihələrini reallaşdırmaqdadır.

İyulun 6-da Prezident İlham Əliyev Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının açılışından sonra televiziya kanallarına verdiyi müsahibəsində bu məsələyə ətraflı şəkildə toxundu.

Bəlli oldu ki, qlobal böhrana baxmayaraq, aztəminatlı ailələrə göstərilən yardımlar davam edəcək və həssas təbəqəyə aid vətəndaşların mənzillərlə təmini prosesi reallaşacaq. Bu il şəhid ailələri və məcburi köçkünlər üçün rekord sayda binalar tikiləcək. Belə ki, 7 mindən çox məcburi köçkün ailəsi yeni mənzillərlə təmin ediləcək, şəhid ailələrinə rekord sayda - 1500 mənzil veriləcək. Adətən il ərzində bu rəqəm 700-800 olub. Həmçinin 20 il orduda qüsursuz xidmət etmiş hərbçilərə 400-dən çox mənzil təqdim ediləcək.

Əlavə edək ki, bu ilin may və iyun aylarında şəhid ailələri və müharibə əlillərinə 300 mənzil verilib. Daha sonra isə 200 mənzil şəhid ailələri və Qarabağ müharibəsi əlillərinə veriləcək. Xatırladaq ki, ötən il bu təbəqəyə aid vətəndaşlara 934 mənzil və fərdi ev təqdim edilib.

Həmçinin bu il müharibə əlilləri və onlara bərabər tutulanlara 100 avtomobil verilib. Cari ildə 400 avtomobilin həmin kateqoriyadan olan vətəndaşlara verilməsi nəzərdə tutulub.

Göründüyü kimi, Prezident İlham Əliyev, Birinci vitse-prezident Mehriban xanım Əliyeva əsgər və hərbi qulluqçuların ailələrinin, milli ordu quruculuğunda, habelə ölkəmizin ərazi bütövlüyünün qorunmasında xidməti olanların həyat şəraitinin yaxşılaşmasına və sağlamlıqlarının bərpasına həmişə xüsusi qayğı göstərirlər və bu diqqət hər zaman ölkə ictimaiyyəti tərəfindən çox yüksək dəyərləndirilir.

Rəşad BAXŞƏLİYEV,

"Azərbaycan”





NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM