16:23 26 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Prezident Rəcəb Tayyib Ərdoğan: Hər kəsi Ayasofya ilə bağlı qərara sayğı göstərməyə dəvət edirəm
ANA SƏHİFƏ / DÜNYA
11:04 11.07.2020

Ayasofya məscidindən necə istifadə etmək Türkiyənin suveren haqqıdır. Hər kəsi Ayasofya qərarına sayğı göstərməyə dəvət edirəm. Bu məscid iyulun 24-də Cümə namazının qılınması ilə ibadətə açılacaq.

AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan Apelyasiya məhkəməsi tərəfindən Nazirlər Kabinetinin Ayasofyanın məsciddən muzeyə çevrilməsi haqqında 1934-cü il 24 noyabr tarixli qərarının ləğv edilməsinə dair xalqa müraciətində söyləyib. Ayasofyanın tarixi və məscidə çevrilməsindən bəhs edən Prezident Rəcəb Tayyib Ərdoğan vurğulayıb ki, türk xalqı tarixin bütün dövrlərində mədəniyyətlərə, eləcə də memarlıq işlərinə ehtiramla yanaşıb. Türkiyədə hazırda 435 kilsə və sinaqoqun ibadətə açıq olduğunu ifadə edən dövlət başçısı diqqətə çatdırıb ki, fərqli inanclara xoş münasibət bəsləmək dinimizin hökmüdür.

Beləliklə, 1985-ci ildə UNESCO-nun Ümumdünya İrs Siyahısına daxil edilən Ayasofya 86 ildən sonra yenidən müsəlmanların ibadət hüququna qaytarılıb.

Qeyd edək ki, iyulun 10-da Ayasofya məscidinin həyətində axşam namazı qılınıb.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM