10 Iyul 2020 00:25
536
CƏMİYYƏT
A- A+

Təmənnasız xeyirxahlıq ənənələrini yaşadırıq


Bütün dünyanı bürüyən koronavirus pandemiyası ilə əlaqədar mən də könüllülük fəaliyyəti ilə məşğulam. Bakı Dövlət Universitetinin məzunuyam. Kimsəsizlərə, xəstələrə və yaşlı insanlara xidmət göstərən könüllülərə qoşulmaqdan çox məmnunam. İlk könüllülük fəaliyyətimə bizim binadan bir az aralıda yaşayan Məlahət nənəylə dostluqdan, xidmətdən başlamışam.

Bütün qonşular bilir ki, Məlahət nənə kimsəsizdir, neçə illərdir ağır diabet xəstəsidir. Onun yeməyini diqqətdə saxlayıram, dərman preparatlarını vaxtlı-vaxtında alıb gətirirəm. Ayda bir dəfə müayinədən keçmək üçün yaşadığımız rayonda şəkər xəstəsi kimi qediyyatda olduğu poliklinikaya aparıb-gətirirəm. Bu işlərdə dostum Namiq və Razim Ağazadə qardaşları mənə yaxından dəstək olurlar.

Gördüyüm könüllülük fəaliyyətindən məmnun olduğum üçün yaxından tanıdığımız ruhi xəstə, kimsəsiz və heç yerdə işləməyən Gülzar İbrahimovaya da əl tutmağı, ərzaq yardımı etməyi özümə börc bilirəm. Karantin rejimi ilə əlaqədar onun da dükan-bazar işlərini görürəm.

Bundan başqa, gündə bir dəfə qonşu binada yaşayan Aydın əmiyə və Sədəf xalaya da baş çəkirəm. Onların övladı şəhərdən kənar rayonda yaşadığından gündəlik ərzaqlarını alıb verirəm. Lazım gələndə mobil telefonumla məni harada olsa tapırlar. Onlar "Evdə qal” çağırışına əməl edir, məsafə gözləyir və maskadan istifadə edirlər. Xatırladım ki, Aydın əmi və həyat yoldaşı Sədəf xala pensiyaçıdırlar, maliyyə baxımdan heç bir çətinlikləri yoxdur, amma karantin rejimi ilə əlaqədar könüllülərin xidmətindən istifadəyə ehtiyacları var. Odur ki, bu işi öhdəmə götürməkdən, sosial sahədə xüsusi qayğıya ehtiyacı olan insanlar ilə qarşılıqlı ünsiyyətdən məmnunluq duyuram.

Universitetdə təhsil aldığım müddətdə paralel şəkildə məşğul olduğum könüllülük işində insanlarla ünsiyyət qurmaq, qocalara və kimsəsizlərə kömək olmaq bir çox sahədə dünyagörüşümüzü, məsuliyyətimizi artırır. Bu sahədə qazanmış olduğum hər bir uğurun arxasında gördüyüm işlərin böyük rolu olduğunu qeyd etmək istərdim. Könüllülük müasir dövrdə Azərbaycan gəncinin qazanmış olduğu ən böyük uğurdur!

Həsən HƏSƏNLİ,

Bakı şəhəri, Nərimanov rayonu

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video