06 Iyul 2020 14:59
563
İQTİSADİYYAT
A- A+

Məhəmməd Cavad Zərif: Azərbaycan və Türkiyə ilə iqtisadi əlaqələrimiz inkişaf edir

 
Azərbaycan və Türkiyə ilə iqtisadi əlaqələrimiz inkişaf edir.

AZƏRTAC xəbər verir ki, bu sözləri İranın Xarici İşlər naziri Məhəmməd Cavad Zərif parlamentdə ölkəsinin xarici siyasəti barədə hesabat verərkən deyib.

Nazir bildirib ki, qonşu və dost dövlətlər olan İran və Azərbaycan bir sıra beynəlxalq əhəmiyyətli iqtisadi layihələri birgə həyata keçirir. O, bu layihələr sırasında Şimal-Cənub Beynəlxalq Nəqliyyat Dəhlizini xüsusilə qeyd edib.

Qeyd edək ki, bu nəqliyyat dəhlizinin formalaşması istiqamətində İran ilə Azərbaycan arasında dəmir yolu xətti salınıb. İran Astarası ilə Azərbaycan Astarasını birləşdirən dəmir yolu ilə bu gün İran idxal-ixrac əməliyyatlarını həyata keçirir. Astara (İran)-Astara (Azərbaycan) dəmir yolu Qəzvin-Rəşt-Astara (İran)-Astara (Azərbaycan) dəmir yolu xəttinin davamıdır. Cənub Şərqi Asiya ölkələrindən İranın Çabahar və Bəndər Abbas limanlarına daxil olan yüklər məhz bu yolla Azərbaycandan tranzit keçərək Rusiya və Avropaya daşınacaq. Hələlik yolun Qəzvin-Rəşt hissəsi istismara verilib, Rəşt-Astara hissəsində isə işlər davam edir. Azərbaycan tərəfi Şimal-Cənub Beynəlxalq Nəqliyyat Dəhlizini əhəmiyyətli hesab edərək Azərbaycanın Astara şəhəri ilə İranın Astara şəhəri arasında dəmir yolu xəttini çəkib.

M.C.Zərif dünya siyasətində ikili standartları tənqid edərək nəzərə çatdırıb ki, bəzi qlobal problemlərə beynəlxalq təşkilatlar ikili standartlardan yanaşırlar ki, bu da həmin problemlərin həllinə mənfi təsir göstərir. O qeyd edib ki, İran Əfqanıstan, Pakistan, eləcə də Rusiya və digər MDB dövlətləri ilə qarşılıqlı faydalı əməkdaşlıq əlaqələrini davam etdirir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video