29 May 2020 00:30
603
SİYASƏT
A- A+

Oistervijk şəhərində mayın 28-i Azərbaycan Günü elan edilib


Niderlandda Brabant əyaləti Azərbaycanlıları Məclisinin təşəbbüsü və Avropa Azərbaycanlıları Konqresinin dəstəyi ilə 28 may tarixi Brabant əyalətinin Oistervijk şəhərində Azərbaycan Günü kimi rəsmi olaraq qeyd edilib.

AZƏRTAC xəbər verir ki, Azərbaycan bayrağının Oistervijk şəhər meriyası üzərində ucaldılması ilə bağlı şəhərin meri Hans Janssenin rəsmi qərarı olub.

Azərbaycanın üç rəngli bayrağı şəhər meriyası qarşısında, eləcə də bir sıra dövlət və inzibati binaların qarşısında ucaldılıb.

Mer Hans Janssen Avropa Azərbaycanlıları Konqresinin prezidenti Sahil Qasımova ünvanlandığı rəsmi məktubunda Azərbaycan xalqını və Avropada yaşayan azərbaycanlıları Şərqdə ilk Azərbaycan Demokratik Respublikanın 102-ci ildönümü münasibətilə təbrik edib, dost Azərbaycan xalqına əmin-amanlıq diləyib.

Xatırladaq ki, Niderlandın Milli Qəhrəmanı və Medo ləqəbi ilə tanınmış Məmməd Məmmədov Brabant əyalətinin Oistervijk şəhərində yaşayıb və bu şəhərdə dəfn edilib. Şəhərin küçələrindən birinə M.Məmmədovun adı verilib və onun şərəfinə xatirə lövhəsi inşa edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video