“The News Blaze” portalı: Azərbaycan Xalq Cümhuriyyəti İslam dünyasında birinci dünyəvi parlament demokratiyasıdır
Müsəlman şərqində ilk demokratik respublika olan Azərbaycan Xalq Cümhuriyyəti (AXC) yüz iki il bundan əvvəl yaradılıb. Bu, əlamətdar tarixi hadisə idi və qeyd etmək lazımdır ki, regionda ilk demokratik parlament respublikasının yaradılması Azərbaycan xalqının böyük nailiyyəti idi.
AZƏRTACxəbər verir ki, Bakı Beynəlxalq Multikulturalizm Mərkəzinin İsraildəki nümayəndəliyinin rəhbəri, beynəlxalq münasibətlər sahəsində tanınmış israilli ekspert Arye Qut Amerikanın "The News Blaze” populyar informasiya-analitik saytında dərc olunmuş "Azərbaycan Xalq Cümhuriyyəti İslam dünyasında birinci dünyəvi parlament demokratiyasıdı” sərlövhəli məqaləsi bu mövzuya həsr edilib.
Məqalə müəllifi qeyd edir ki, 1918-ci il dekabrın 26-da AXC hökumətinin Baş Naziri vəzifəsinə seçilmiş Fətəli Xan Xoyski İstiqlal bəyannaməsinin mətnini oxuyaraq, hökumətin birinci və ən mühüm vəzifəsinin Azərbaycanın müstəqilliyini möhkəmlətməkdən ibarət olacağını xüsusi vurğulamışdı.
Arye Qut yazır: "dialoqda iştirak etmək və dialoq aparmaq, dinləmək və bir-birini anlamaq qabiliyyəti əsrlərboyu inkişaf etdirilir və uşaqlıqdan tərbiyə olunur. Bu baxımdan Azərbaycan yeganə ölkədir ki, orada dini fanatizmə, ksenofobiya və antisemitizmə heç vaxt yer olmayıb. Burada müxtəlif dini konfessiyaların nümayəndələri əsrlərboyu dinc yanaşı yaşayıb, bu ölkədə yaşayan xalqların dilləri, ənənələri və mədəniyyətləri qorunub saxlanılıb və inkişaf etdirilib. AXC 1918-ci ildə yaradıldığı andan etibarən meydana çıxa biləcək hər hansı etnik və dini çətinliklərin həlli üçün kompromis sistem işləyib hazırlayıb. Maraqlıdır ki, əhalinin etnik və dini sosial tərkibi barədə söhbət gedəndə Azərbaycan Xalq Cümhuriyyəti ABŞ ilə çox asanlıqla rəqabət apara bilirdi. AXC-nin analoqu yox idi, özü də təkcə Şərqdə yox”.
Müəllif xatırladır ki, Milli Şuranın sədri Məhəmməd Əmin Rəsulzadə milliyyətindən, dinindən, dilindən və ölkədə yaşama müddətindən asılı olmayaraq Azərbaycanın bütün vətəndaşlarına müraciət edərək onları yeni demokratik dövlət yaradılmasında fəal iştirak etməyə çağırırdı: "İş elə gətirib ki, biz hamımız birgə yaşamalıyıq. Dinindən və ya milliyyətindən asılı olmayaraq, Azərbaycanın bütün vətəndaşları eyni bir vətənin övladlarıdır və ümumi vətənimizdə öz həyatımızı daha yaxşı təşkil etmək üçün biz bir-birimizə kömək əli uzatmalı, öz xoşbəxtliyimizi və daha yaxşı gələcəyimizi birlikdə yaratmalıyıq”.
Azərbaycan xalqının dövlətçiliyində bu çətin dövrdə yəhudi icmasının mühüm rolundan bəhs edən Qut vurğulayır ki, Azərbaycanın hüdudlarından kənarda bunu bilən azdır.
O yazır: "Bakılı məşhur yəhudi həkim Yevsey Gindes AXC-nin Səhiyyə naziri, AXC hökuməti yanında mərkəzi bankın direktoru yəhudi xalqının nümayəndəsi Mark Mixayloviç Aberquz olub. Aydındır ki, Azərbaycanın yəhudi icması Azərbaycanın ilk demokratik hökumətində nazir vəzifələrini bu icmanın iki üzvü icra etməsinə görə fəxr edirdi”.
Doktor Moşe Quxman 1918-ci il dekabrın 7-də yəhudi icması adından çıxış edərək demişdi: "Azərbaycan üçün bu böyük günlərdə müstəqil dövlət quruculuğunun başlandığı günlərdə mən 20 min Bakı yəhudisi tərəfindən seçilmiş bir nümayəndə kimi Azərbaycan Xalq Cümhuriyyətinin qanunverici hakimiyyətini salamlamağa gəlmişəm. Xalqların təyini-müqəddərat bayrağı altında və xalqın həqiqi maraqları əsasında Azərbaycan türklərinin bütün ictimai həyatı öz əllərinə almaq cəhdi Azərbaycan yəhudilərinin lap ürəyindəndir. Azərbaycan yəhudiləri hesab edirlər ki, onlar gənc parlamentin himayəsi altında həmişə öz hüquqlarının etibarlı müdafiəsini tapacaqlar. Bu, mənim qardaşlarıma, AXC-nin müxtəlif regionlarında yaşayan dağ yəhudilərinə daha çox aiddir və hər kəsin bizim hüquq və mənafelərimizi pozmaq cəhdinin qarşısı alınacaq”.
Arye Qut vurğulayır ki, Azərbaycan Xalq Cümhuriyyəti mövcud olduğu qısa müddətdə fəal xarici siyasət yürüdüb, bir sıra ölkələrlə ikitərəfli münasibətlər qurub, çoxsaylı diplomatik missiyalar yaradıb və onları qəbul edib.
Arye Qut yazır: "Azərbaycan hökuməti ölkənin beynəlxalq aləmdə tanınması üçün çox fəal iş aparır və çox şeyə nail olub. Azərbaycan nümayəndə heyəti Paris Sülh Konfransında iştirak etmək üçün göndərilib, orada dünya liderləri ilə görüşüb.
Çox təəssüf ki, 1920-ci ilin aprel ayında Azərbaycanın azad ölkələr birliyinə qoşulması dayandırılıb”.
İsrailli ekspert qeyd edir ki, Azərbaycan Xalq Cümhuriyyəti milli azadlıq hərəkatı tarixində çox gözəl və silinməz izlər qoyub. Müəllif sonda yazır: "Mövcud olduğu 23 ay ərzində Azərbaycan Xalq Cümhuriyyəti parlaq fakt oldu. Repressiv kommunist rejimi Azərbaycan xalqının azadlıq və müstəqillik ideyalarının kökünü kəsə bilmədi. AXC Azərbaycan tarixində ilk parlament respublikası kimi hüququn aliliyinə əsaslanan birinci və həqiqi demokratik dünyəvi dövlət modeli idi.
Bu gün müstəqil və güclü Azərbaycan AXC-nin layiqli varisidir. 1991-ci ildə dövlət müstəqilliyini bərpa etmiş Azərbaycan xalqı AXC-nin zəngin dövlətçilik ideyalarından istifadə edərək bu mühüm tarixi irs zəminində müstəqil, güclü Azərbaycan dövləti yaradıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Almaniyada kimlər daha çox pensiya alır?
29 Mart
Havada toz müşahidə olunur
29 Mart
Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB...
29 Mart
İsveçrənin hidrogen qatarı rekord vurub
29 Mart
Laçındakı Aqrosənaye parkında 46 müəssisə fəaliyyət göstərəcək
29 Mart
Moskvada MDB İqtisadi Şurasının iclası keçirilib
29 Mart
Türkiyədə ABŞ nümayəndə heyəti ilə Ukrayna müharibəsi və terrorizmlə mübarizə məsələləri müzakirə ed...
29 Mart
Yaz mövsümü və allergik xəstəliklər
29 Mart
Əmək və əhalinin sosial müdafiəsi naziri Neftçalada vətəndaşları qəbul edib
29 Mart
Bakıda VI Ümumdünya Mədəniyyətlərarası Dialoq Forumu keçiriləcək
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!