Bu il qazaxlı kümçülər 6 ton yaş barama istehsal etməyi nəzərdə tutmuşlar
Prezident İlham Əliyevin tapşırıq və tövsiyələrinə uyğun olaraq son illər respublikamızda kənd təsərrüfatının ənənəvi və ixracyönümlü sahələrindən olan baramaçılığın inkişafı istiqamətində mühüm işlər həyata keçirilir.
Xüsusilə dövlət başçısının "Azərbaycan Respublikasında baramaçılığın və ipəkçiliyin inkişafına dair 2018-2025-ci illər üçün Dövlət Proqramı”nın təsdiq edilməsi haqqında 27 noyabr 2017-ci il tarixli Sərəncamından sonra baramaçılığın inkişaf etdirilməsi istiqamətində yeni imkanlar açıldı.
Dövlət proqramının icra olunması nəticəsində ölkəmizdə artıq ipəkçiliyin müasir infrastrukturu yaradılmış və yeni tut bağları salınmaqla bu sahədə möhkəm yem bazası yaradılmışdır.
Respublikamızın digər bölgələrində olduğu kimi, Qazaxda da dövlət başçısının baramaçılığın inkişafı ilə bağlı qarşıya qoyduğu vəzifələrin icrası istiqamətində son illər ardıcıl tədbirlər həyata keçirilir və bu sahədə uğurlu nəticələr əldə edilir. 2016-cı ildən geniş vüsət alan bu proses ildən-ilə genişləndirilərək yeni-yeni uğurlara imza atılır. Dövlətin sahənin inkişafına göstərdiyi diqqət və qayğıdan bəhrələnən rayon kümçüləri iqtisadi cəhətdən gəlirli olan baramaçılığın inkişafı üçün bütün imkanlardan maksimum istifadə etməyə çalışırlar.
Qeyd edək ki, artıq beşinci ildir ki, rayonda ipəkqurdu bəslənilir. Hər il uğurlu göstəricilərə nail olan rayon sakinləri bu il 6 ton yaş barama istehsalını nəzərdə tutmuşlar. Bu məqsədlə Alpout, Aşağı Salahlı, Aslanbəyli, Birinci Şıxlı, Çaylı, Cəfərli, Daş Salahlı, Dəmirçilər, Hüseynbəyli, Kəmərli, Kosalar, Orta Salahlı, Qaymaqlı, Xanlıqlar və Yuxarı Salahlı kəndlərində baramaçılıqla məşğul olan sakinlərə 150 qutu ipəkqurdu toxumu paylanmışdır.
Onu da demək lazımdır ki, Qazax Rayon İcra Hakimiyyəti baramaçılıqla məşğul olan sakinlərə böyük diqqət və qayğı göstərir. RİH əməkdaşları tez-tez kümçülərin yanında olaraq onların problemləri ilə maraqlanırlar. Elə bu günlərdə RİH başçısı Rəcəb Babaşov Qazax Dövlət Aqrar İnkişaf Mərkəzinin direktoru Həmid Pənahovla birlikdə ipəkqurdu toxumu paylanmış Kəmərli, Qaymaqlı, Aslanbəyli və Daş Salahlı kəndlərində olmuş və ipəkqurdu toxumunun saxlanma şəraiti və mövcud vəziyyətlə maraqlanmışlar. Kümçülərlə keçirilən görüş zamanı diqqətə çatdırılmışdır ki, ipəkqurdu toxumunu yetişdirmək üçün əvvəlcədən lazım olan bütün hazırlıq işləri görülmüş və otaqlar istiliklə təmin edilmişdir. İlk dəfə baramaçılıqla məşğul olan kümçülər bu işdə mütəxəssislərin məsləhətlərindən yararlandıqlarını bildirmişlər.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Vətəndaşlara Şuşa, Suqovuşan və Laçına fərdi avtomobilləri ilə səfər etmələrinə icazə veriləcək ...
25 Aprel
Vəkillər Kollegiyasının sədri: Bu gün ölkəmizdə vəkillərin sayı 2454 nəfərə çatıb ...
25 Aprel
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
25 Aprel
DİM sertifikasiya imtahanı materiallarının hazırlanması üçün mütəxəssisləri əməkdaşlığa dəvət edir...
25 Aprel
Bakının bir sıra yollarında sıxlıq müşahidə olunur - SİYAHI
25 Aprel
DİN: Ötən gün ölkə ərazisində 63 cinayətin üstü açılıb
25 Aprel
Azərbaycan nefti bahalaşıb
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
25 Aprel
Vaşinqtonda “erməni soyqırımı” yalanlarına qarşı dinc aksiya keçirilib
25 Aprel
Türkiyə kosmik düşərgəsində Vətən müharibəsinin şəhid uşaqları üçün kvota ayıracaq ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!