02 Aprel 2020 17:21
421
CƏMİYYƏT
A- A+

Karantin rejimi ilə əlaqədar Balakəndə ehtiyacı olan şəxslərə sosial xidmətlər göstərilir


Koronavirus infeksiyasının yayılmasının qarşısının alınması məqsədilə Nazirlər Kabineti yanında Operativ Qərargah tərəfindən ölkə ərazisində xüsusi karantin rejiminin tətbiq edilməsi ilə əlaqədar Balakən rayonunda evdə qalan ahıl, tənha vətəndaşların sosial ehtiyaclarının ödənilməsi üçün rayon icra hakimiyyəti başçısı yanında yaradılmış qərargahın üzvləri və Dövlət Sosial Müdafiə Fondunun (DSMF) rayon şöbəsi tərəfindən zəruri tədbirlər həyata keçirilir.

Rayon icra hakimiyyətindən AZƏRTAC-ın bölgə müxbirinə bildirilib ki, qərargahın üzvləri, inzibati ərazi dairələri üzrə nümayəndələr və bələdiyyələr vasitəsi ilə sosial yardıma ehtiyacı olan tənha, ahıl vətəndaşlar müəyyən edilərək, onlar barədə DSMF-nin rayon şöbəsinə məlumat verilir. Belə şəxslər dərhal qeydiyyata alınaraq sosial xidmətə cəlb olunurlar. Hazırda DSMF-nin Balakən rayon şöbəsinin 34 sosial xidmət işçisi tərəfindən 288 vətəndaşa sosial xidmətlər göstərilir. Karantin rejimi tətbiq edildikdən sonra müraciətlər əsasında yaşı 65-dən yuxarı olan daha 41 tənha vətəndaş sosial xidmətə cəlb olunub. Onlarla müntəzəm əlaqə saxlanılır, vətəndaşlara ərzaq, dərman və məişət ləvazimatlarının alınması, həmçinin evlərdə həkim müayinələrinin təşkili kimi sosial xidmətlər göstərilir, kommunal xərcləri ödənilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video