jpg-1713653616.jpg)
“Əl-Cəzirə” qəzetində “Xocalıda həlak olanlara görə Ermənistan məsuliyyət daşıyır” başlıqlı məqalə dərc olunub
Xocalı soyqırımının 28-ci ildönümü ilə əlaqədar Səudiyyə Ərəbistanının aparıcı kütləvi informasiya vasitələrindən olan "Əl-Cəzirə” qəzetində Azərbaycanın oradakı səfir Şahin Abdullayevin "Xocalıda həlak olanlara görə Ermənistan məsuliyyət daşıyır” başlıqlı məqaləsi dərc olunub.
Azərbaycanın Səudiyyə Ərəbistanındakı Səfirliyindən AZƏRTAC-a bildirilib ki, yazıda 1992-ci il fevralın 25-dən 26-na keçən gecə Ermənistan silahlı qüvvələrinin SSRİ dövründən Xankəndi şəhərində yerləşən 366-cı motoatıcı alayın zirehli texnikasının və hərbi heyətinin köməkliyi ilə Xocalı şəhərini işğal etdiyi, bir günün içində 63-ü uşaq, 106-sı qadın, 70-i qoca olmaqla 613 nəfərin qətlə yetirildiyi, 8 ailənin tamamilə məhv edildiyi, 25 uşağın hər iki valideynini, 132 uşağın isə valideynlərindən birini itirdiyi, düşmən gülləsinə tuş gəlib yaralanan 487 nəfərdən 76-sının uşaq olduğu, 1275 xocalılının əsir götürüldüyü və 155 nəfərin itkin düşdüyü oxucuların diqqətinə çatdırılıb. Həmin gecə baş verənlərlə bağlı ətraflı məlumat verilib.
Müəllif Xocalı qətliamının beynəlxalq ictimaiyyətə tanıdılmasının Azərbaycanın xarici siyasətinin əsas istiqamətlərindən biri olduğunu, onun dünya ictimaiyyətinə çatdırılması və bu soyqırımı aktının obyektiv qiymətləndirilməsi istiqamətində əməli addımlar atıldığını oxucuların diqqətinə çatdırıb.
Məqalədə İslam Əməkdaşlıq Təşkilatının Ermənistanı təcavüzkar dövlət kimi tanıyan ilk beynəlxalq təşkilat olduğu, habelə 2013-cü ildə Qahirədə keçirilən İslam Əməkdaşlıq Təşkilatının 12-ci Zirvə Toplantısında Xocalı qətliamının soyqırımı və bəşəriyyətə qarşı cinayət kimi tanındığı vurğulanıb.
Materialda Avropa Parlamentinin Dağlıq Qarabağla bağlı 2013-cü il 23 oktyabr tarixli qətnaməsinin Azərbaycanın ədalətli mövqeyini bir daha dəstəklədiyi, ilk dəfə olaraq münaqişənin BMT Təhlükəsizlik Şurasının məlum qətnamələrinə uyğun olaraq həll edilməsinin vacibliyini vurğuladığı və işğalçı qüvvələrin Azərbaycan ərazilərindən qeyd-şərtsiz çıxarılmasını tələb etdiyi oxucuların diqqətinə çatdırılıb. Ermənistanın qeyri-konstruktiv mövqeyi səbəbindən münaqişənin hələ də davam etdiyi və işğalçı ölkənin beynəlxalq hüququn tələblərinə əhəmiyyət vermədiyi təəssüflə qeyd olunub.
Yazıda beynəlxalq hüququn Xocalı qətliamının soyqırımı olduğunu birmənalı təsdiqlədiyi və Ermənistanın münaqişə ilə bağlı qəbul edilmiş beynəlxalq qətnamələrin müddəalarını yerinə yetirməsinin, Azərbaycanın ərazi bütövlüyünün bərpa olunmasının, azərbaycanlı məhbus və girovların azad edilməsinin, qaçqın və məcburi köçkünlərin doğma yurdlarına qayıtmasının vacibliyi vurğulanıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Ağdam şəhərində olublar YENİLƏNİB
15:59
25 Aprel
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
15:52
25 Aprel
25 Aprel
Elmira Süleymanova II Fəxri xiyabanda dəfn olunub
15:51
25 Aprel
25 Aprel
Britaniya alimləri xərçəngin müalicəsində mühüm addım atıblar
15:21
25 Aprel
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
15:08
25 Aprel
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
15:07
25 Aprel
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
15:06
25 Aprel
25 Aprel
Azərbaycan Ordusunda komanda-qərargah təlimləri keçirilir
14:58
25 Aprel
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
14:54
25 Aprel
25 Aprel
Xocalıda insan qalıqları aşkarlanıb
14:52
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
