25 Fevral 2020 16:02
398
SİYASƏT
A- A+

Türkiyənin “Bengü Türk” telekanalında Xocalı soyqırımı ilə bağlı xüsusi buraxılış yayımlanıb


Türkiyənin nüfuzlu "Bengü Türk” televiziya kanalında Xocalı soyqırımının 28-ci ildönümü ilə bağlı xüsusi buraxılış yayımlanıb.

AZƏRTAC xəbər verir ki, verilişin qonaqları Türkiyənin ölkəmizdəki sabiq səfiri Hulusi Kılıç və Türkiyə-Azərbaycan parlamentlərarası dostluq qrupunun keçmiş rəhbəri Necdət Ünüvar olublar.

Çıxışlarda Sovet İttifaqının süqutu ərəfəsində ermənilərin Azərbaycana qarşı əsasız ərazi iddiası əsasında başlanan Dağlıq Qarabağ münaqişəsi ilə bağlı tamaşaçılara müfəssəl məlumat verilib. Diqqətə çatdırılıb ki, Xocalı soyqırımı ermənilərin Azərbaycan və Türkiyəyə qarşı açıq düşmənçiliyinin və əsasız iddiaları nəticəsindən törədilən bəşəri cinayətdir. Türk dünyası birliyinin vacibliyi, Azərbaycan-Türkiyə qardaşlıq əlaqələrinin tarixi əhəmiyyəti, o cümlədən Prezident İlham Əliyevin rəhbərliyi ilə ölkəmizin sürətli inkişafı məsələlərinə də toxunulub.

Fevralın 15-də Münxen Təhlükəsizlik Konfransı çərçivəsində Azərbaycan Prezidenti İlham Əliyevin və Ermənistan baş naziri Nikol Paşinyanın iştirakı ilə Ermənistan-Azərbaycan Dağlıq Qarabağ münaqişəsi ilə bağlı keçirilən panel müzakirələrə toxunan Hulusi Kılıç vurğulayıb ki, bu müzakirələrdə Prezident İlham Əliyev işğalçı ölkənin təcavüzkar siyasətini təkzibolunmaz faktlarla dünya ictimaiyyətinə çatdırdı.
Veriliş zamanı Xocalı soyqırımının dəhşətlərini əks etdirən kadrlar, həmçinin "Azərbaycan bayrağını Qarabağda asacağıq!” şüarı nümayiş etdirilib.

Qonaqlar tanınmış teleaparıcı Alper Tunga Aktaşın suallarını cavablandırıblar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video