24 Fevral 2020 09:24
389
SİYASƏT
A- A+

Berlində Xocalı soyqırımının 28-ci ildönümü ilə əlaqədar elmi konfrans təşkil olunub

Almaniyanın paytaxtı Berlin şəhərində Almaniya Türk-Azərbaycan Birliyinin (Türkisch-Aserbaidschanische Verienigung in Deutschland - TAVD) təşkilatçılığı ilə Xocalı soyqırımının 28-ci ildönümü ilə əlaqədar elmi konfrans keçirilib.

AZƏRTAC xəbər verir ki, tədbirdə Diasporla İş üzrə Dövlət Komitəsinin sədri Fuad Muradov, Azərbaycanın Almaniyadakı Səfirliyinin müşaviri Elvin Əliyev, Türkiyənin Berlindəki Baş konsulu Rıfkı Olgun Yücekök, Almaniya Bundestaqının sabiq üzvü Hakkı Keskin və Almaniyadakı müxtəlif elmi dairələrin nümayəndələri iştirak ediblər.

TAVD-nin İdarə Heyətinin sədri Kəmalə İsmayılovanın moderatorluğu ilə keçirilmiş tədbirdə Xocalı faciəsi ilə bağlı həqiqətlər geniş auditoriyanın diqqətinə çatdırılıb, həmin faciədə qətlə yetirilmiş insanların xatirəsi anılıb, həmçinin Xocalı hadisələrinə beynəlxalq siyasi institutlar və məhkəmələr tərəfindən hüquqi müstəvidə ədalətli qiymətin verilməsinin vacibliyi qeyd olunub.
Bununla yanaşı, tədbirdə çıxış edən natiqlər Türkiyə və Azərbaycan diaspor təşkilatları arasındakı əməkdaşlığın son illər daha da genişlənməsindən, Xocalı soyqırımının alman auditoriyasına tanıdılması işində Almaniyadakı türk icmasının göstərdiyi dəstəkdən, eləcə də qarşılıqlı maraq doğuran məsələlərlə bağlı həyata keçirilən birgə layihələrdən bəhs ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video