Olimpiya və Paralimpiya yığma komandalarımız “Tokio-2020”də eyni forma ilə çıxış edəcəklər
Fevralın 14-də Azərbaycan Milli Olimpiya və Milli Paralimpiya komitələri arasında "Tokio-2020” Olimpiya və Paralimpiya oyunları çərçivəsində əməkdaşlığa dair memorandum imzalanıb.
AZƏRTAC xəbər verir ki, tədbirdə Milli Olimpiya Komitəsinin (MOK) vitse-prezidenti Çingiz Hüseynzadə, Milli Paralimpiya Komitəsinin (MPK) prezidenti İlqar Rəhimov, MOK-un baş katibi Ağacan Əbiyev, baş katibin müavini Azər Əliyev, olimpiya çempionları və idman ictimaiyyətinin nümayəndələri iştirak ediblər.
Memorandumu MOK-un vitse-prezidenti Ç.Hüseynzadə və MPK-nın prezidenti İlqar Rəhimov imzalayıblar.
Hər iki qurum arasında sıx əməkdaşlığın uzun illərdir mövcud olduğunu diqqətə çatdıran MOK-un vitse-prezidenti deyib: "Artıq əməkdaşlığımızı rəsmiləşdirmək qərarına gəldik. Bu əməkdaşlıq ölkəmizdə idmanın inkişafına və kütləviliyinin artırılmasına xidmət edəcək. Olimpiya və Paralimpiya yığma komandalarımız "Tokio-2020”də eyni forma ilə çıxış edəcəklər”.
İdmançılarımızın sonuncu - "Rio-2016” Olimpiya Oyunlarında 18 medal qazandıqlarını xatırladan Ç.Hüseynzadə bildirib ki, bu göstəricini təkrarlamaq çətin olacaq: Əsas hədəfi medalların əyarına yönəltmək istəyirik. "Rio-2016”da komandamız bir qızıl medal qazanmışdı. Ümid edirəm ki, Tokioda qızıl medalların sayı daha çox olacaq”.
Memorandumu tarixi hadisə adlandıran MPK-nın prezidenti İ.Rəhimov idmanın ölkəmizdə prioritet sahələrdən olduğunu deyib: "Ümid edirəm ki, idmançılarımız Tokioda keçiriləcək Yay Olimpiya və Paralimpiya oyunlarında da bizi sevindirəcək və himnimizi səsləndirəcəklər. Ölkəmizdə olimpiyaçılarla paralimpiyaçılar arasında heç bir fərq qoyulmur. Hər iki komanda ölkəmizdə idmanın inkişafına xidmət edir. Hazırda paralimpiyaçılarımız "Tokio-2020”yə 7 lisenziya qazanıblar. Paralimpiya Oyunlarında 30-32 idmançı ilə təmsil olunacağımızı proqnozlaşdırırıq. Bu göstərici "Rio-2016” Yay Paralimpiya Oyunlarındakından çoxdur. Braziliyada 24 paralimpiyaçımız medallar uğrunda mübarizə aparmışdı”.
Sonda jurnalistlərin sualları cavablandırılıb.
Azərbaycanın Olimpiya və Paralimpiya tarixində ilk dəfə baş tutan bu rəsmi əməkdaşlıq "Tokio-2020”nin, həmçinin Olimpiadada və Paralimpiadada ölkəmizi təmsil edəcək komandaların birgə təbliğinə və təşviqinə xidmət edir. Memoranduma əsasən, marketinq, sosial media, könüllülük xidməti, komandalar üçün vahid idman geyim dəstinin hazırlanması və digər sahələrdə əməkdaşlıq edilməsi nəzərdə tutulur.
Oyunların və komandaların təbliği və təşviqində aparıcı rol MOK-a məxsus olacaq. Bu işdə "Rio-2016” Yay Olimpiya Oyunlarında əldə olunan uğurlu təcrübənin tətbiq edilməsi planlaşdırılır. Hətta "Tokio-2020” Olimpiya Oyunları üçün xüsusi strategiya hazırlanıb. Həmin strategiya "Minsk-2019” II Avropa Oyunlarında uğurla sınaqdan keçirilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!