Ulu Öndər Heydər Əliyevin müəyyənləşdirdiyi strategiya tariximizdə çox böyük əhəmiyyətə malikdir
Ümummilli Lider Heydər Əliyevin vəfatının ildönümü ilə əlaqədar Ankarada anma mərasimi təşkil olunub.
AZƏRTAC xəbər verir ki, rəsmi şəxslər, diplomatlar, Azərbaycanı qardaş ölkədə təmsil edən nümayəndələr, Ankarada təhsil alan kursantlarımızdan ibarət heyət əvvəlcə Türkiyə paytaxtındakı Heydər Əliyev Parkında olublar. Ulu Öndərin parkdakı abidəsi önünə əklillər qoyulub, gül-çiçək dəstələri düzülüb, əziz xatirəsi ehtiramla yad edilib.
Heydər Əliyev adına orta məktəbdə davam edən mərasimdə Azərbaycanın və Türkiyənin Dövlət himnləri səsləndirilib.
Ulu öndər Heydər Əliyevin və Mustafa Kamal Atatürkün əziz xatirələri bir dəqiqəlik sükutla yad ediləndən sonra çıxışlar dinlənilib.
Azərbaycanın Türkiyədəki səfiri Xəzər İbrahim, Türkiyə-Azərbaycan parlamentlərarası dostluq qrupunun rəhbəri Şamil Ayrım, Ankaranın Milli Təhsil müdirinin müavini Serkan Topbaş və Heydər Əliyev adına məktəbin müdiri Oktay Kabasakkal çıxışlarında Ümummilli Lider Heydər Əliyevin zəngin mənalı həyat və fəaliyyətindən danışıblar. Diqqətə çatdırılıb ki, bütün siyasi fəaliyyətini Azərbaycanın çiçəklənməsinə, müstəqilliyimizin möhkəmlənməsinə, xalqımızın elm və təhsilinin yüksəlişinə və sosial rifahına, Azərbaycan-Türkiyə dostluq əlaqələrinin dinamik inkişafına həsr edən Ulu Öndər Heydər Əliyevin müəyyənləşdirdiyi strategiya indi olduğu kimi, gələcəkdə də özünə layiqli yer qazanacaqdır.
Natiqlər Azərbaycan xalqının xilaskarı Heydər Əliyev ilə Türkiyə Respublikasının banisi Mustafa Kamal Atatürkün həyat və fəaliyyətləri arasında müqayisələr apararaq qeyd ediblər ki, hər iki tarixi şəxsiyyətin həyat amalı öz xalqlarına xidmət olub.
Sonra Heydər Əliyev məktəbinin şagirdləri Ulu Öndərin həmişəyaşar xatirəsinə, Azərbaycan-Türkiyə qardaşlığına həsr olunan şeirlər oxuyublar.
Sonda Ulu Öndəri məktəblilərə daha yaxından tanıtmaq məqsədilə Azərbaycanın Türkiyədəki səfirliyinin təhsil müşavirliyi tərəfindən Heydər Əliyev adına məktəbin şagirdləri arasında təşkil olunan şeir, rəsm və inşa müsabiqələrinin qalibləri elan olunub. Səfirliyin Təhsil müşavirliyi tərəfindən qaliblərə mükafatlar təqdim edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!