MDB-nin kurortları sırasında “Naftalan” öndədir
Azərbaycanın bu əvəzsiz müalicə-istirahət ocağının gələcəyi daha böyük olacaq
Azərbaycanın "Naftalan” istirahət və sağlamlıq mərkəzi MDB-də bu il ən çox müraciət edilən üçlüyə daxil olub. "Naftalan” ön sıralardan birində MDB məkanında istirahət və tibb sağlamlığı üçün nəzərdə tutulan kurortların reytinqinə əsasən yer tutub.
Azərbaycanın təbib qüdrətli, şan-şöhrətli müalicə-istirahət məkanı "Naftalan”a gələnlərin sayı getdikcə çoxalır. "Naftalan” neftinin "möcüzə”si hələ qədim zamanlardan məlum olub. Hələ o vaxtlar biliblər ki, o, onlarca xəstəliyin dərmanıdır. Odur ki, 1935-ci ildən burada "Naftalan” kurortu müalicə mərkəzi kimi fəaliyyətə başlayıb. Təbiətin xalqımıza bəxş etdiyi bu əvəzsiz sərvətdən kütləvi şəkildə istifadənin təşkili isə Ümummilli Lider Heydər Əliyevin adı ilə bağlıdır. 1982-ci il fevralın 19-da Ulu Öndərin təşəbbüsü ilə Naftalan kurort şəhərini inkişaf etdirmək tədbirləri haqqında geniş qərar qəbul olunub. Məhz həmin qərarın nəticəsində burada bir sıra müalicə müəssisələri tikilib. Nəticədə buraya gələnlərin sayı xeyli artıb.
Təəssüf ki, ötən əsrin 90-cı illərinin burulğanında bu şöhrətli kurortun fəaliyyəti demək olar ki, dayandı. Lakin Prezident İlham Əliyevin gördüyü ardıcıl tədbirlər sayəsində Naftalan yenidən dirçəldi. "Azərbaycan Respublikasında kurortların 2009-2018-ci illərdə inkişafı üzrə Dövlət Proqramı”na uyğun olaraq Naftalan sözün əsl mənasında yenidən quruldu. Belə ki, burada qısa müddət ərzində bir neçə kompleks ucaldıldı. "Çinar”, "Naftalan”, "Qarabağ”, "qaşaltı” kimi müasir istirahət-müalicə mərkəzləri istifadəyə verildi.
2014-cü il oktyabrın 20-də Prezident İlham Əliyev "Naftalan şəhərinin sosial-iqtisadi inkişafının sürətləndirilməsinə dair əlavə tədbirlər haqqında” sərəncam imzaladı. Naftalanın bugünkü şöhrəti, digər ölkələrin tanınmış müalicə mərkəzlərindən seçilməməsi, hətta onları qabaqlaması dövlət başçısının bu diqqət və qayğısı sayəsində mümkün olub.
İstər ölkəmizin öz vətəndaşları, istərsə də yaxın və uzaq xaricdən buraya istirahət və müalicəyə gələnlər üçün geniş seçim imkanları var. Kim hansı müalicə-istirahət ocağını istəsə, orada yerləşir. Məsələn, "Qarabağ” hotel kompleksi 13 hektardan çox sahəni əhatə edir və bu ərazidə çoxsaylı istirahət məkanları var. Vertolyot meydançasının, 8 kilometr uzunluğunda gəzinti yollarının və geniş yaşıllıq zolaqlarının olması bu kompleks haqqında aydın təsəvvür yaradır.
Prezident İlham Əliyev sözügedən istirahət-müalicə ocaqlarının əksəriyyətinin açılışında iştirak edib. Açılış mərasimlərinin birində dövlət başçısı deyib: "Bir neçə il bundan əvvəl "Çinar” hotelinin yenidən qurulub istifadəyə verilməsi ilə Naftalanda hotel biznesi sürətlə inkişaf etməyə başlamışdır. O vaxta qədər Naftalanın inkişafı o qədər də sürətlə getmirdi. Erməni işğalından əziyyət çəkən soydaşlarımız burada məskunlaşmışdılar. Bütün keçmiş sanatoriyalarda, pansionatlarda məcburi köçkünlər məskunlaşmışdılar. Biz ilk növbədə, onların problemlərini həll etməyə başladıq və buna nail olduq. Onlar indi gözəl evlərə köçürülüblər və məcburi köçkünlər üçün çox gözəl şərait yaradılıb. Köhnə, sovet vaxtından qalan sanatoriyaların yerində bax, belə gözəl hotellər tikilir”.
Naftalanda hotellərin, istirahət və müalicə ocaqları şəbəkəsinin genişlənməsi həm də yerli əhalinin məşğulluq probleminin həllində olduqca müsbət rol oynayıb. Belə ki, indi bu müəssisə və obyektlərdə Naftalanın və yaxınlıqdakı yaşayış məntəqələrinin yüzlərlə sakini çalışır, əməkhaqqı alır.
Naftalanın salnaməsi göstərir ki, sovet dönəmində buraya hər il müalicə üçün 70 min insan gəlib. Həyata keçirilən ardıcıl tədbirlər deməyə əsas verir ki, biz yenidən bu həddə çatacaq, hətta onu keçəcəyik. Çünki artıq hər il Naftalana dincəlməyə və müalicə almağa təqribən 30-40 min insan gəlir.
Prezident İlham Əliyev Naftalanı beynəlxalq turizm mərkəzi kimi inkişaf etdirməyi başlıca vəzifələrdən biri kimi qarşıya qoyub. Bu yaxınlarda Naftalan Şəhər İcra Hakimiyyətinin yeni başçısını təyin edərkən Prezident həmin vacib məsələyə bir daha toxunub. Naftalanın müasir kurort mərkəzinə çevrilməsi üçün görülən ardıcıl tədbirlərin bəhrə verdiyini vurğulayıb: "Naftalanı müasir kurort mərkəzinə çevirmək cəhdlərimiz, hesab edirəm ki, çox uğurludur. Mən Prezident kimi ilk dəfə Naftalana gələndə ürəyim ağrıdı, çünki gördüm, demək olar ki, şəhər dağılmış vəziyyətdədir. İnfrastruktur yox, işıq yox, qaz yox, su yox, yollar bərbad. Sovet vaxtında tikilmiş sanatoriyalar dağılmış və şəhərdə minlərlə köçkün məskunlaşmışdı, onların da vəziyyəti çox ağır idi. Ona görə göstəriş verdim və tapşırdım ki, vəsait ayrılsın. İlk növbədə, biz köçkünləri köçürdük və onlar üçün gözəl evlər tikdirdik. Ondan sonra investorları cəlb etdik və onlar investisiya qoymağa başladılar. Bununla paralel olaraq, Naftalan şəhərindəki bütün hündürmərtəbəli binalar əsaslı şəkildə təmir olundu, yeni parklar salındı, mərkəzi şəhər xəstəxanası, beşulduzlu üç hotel - "Çinar”, "Qarabağ” və "Qaşaltı” açıldı. Bütün açılışlarda mən şəxsən iştirak etmişəm. Hazırda dördulduzlu və üçulduzlu hotellərin tikintisi davam etdirilir”.
Naftalanda yenə də geniş tikinti işləri aparılır. Tikmək, qurmaq isə inkişaf deməkdir. Bir sözlə, əvəzsiz müalicə və istirahət məkanımız olan "Naftalan”ın gələcək şöhrəti daha böyük olacaq.
Flora SADIQLI,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
ABŞ dövlət katibi Antoni Blinken Pekinə gəlib
25 Aprel
“Azərkosmos”un rəhbəri beynəlxalq konfrans iştirakçılarını ölkənin kosmik sahədə prioritetləri haqqı...
25 Aprel
Fuat Oktay: Bakıda keçirilən toplantının əməkdaşlığımıza töhfə verəcəyinə inanırıq ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!