06 Dekabr 2019 04:06
654
Mədəniyyət
A- A+

Bir ömrü naxışlayan “ilmələr”


Bahar Ələkbər qızı Şıxıyeva nənələrimizin sevə-sevə öz qızlarına, gəlinlərinə, qohum-qonşularına öyrətdiyi xalçaçılığa elə-belə meyil salmayıb. 1974-cü ildə Hacıqabul rayonunda dünyaya göz açanda ağlına haradan gələrdi ki, iki ayaq yox, "iki təkər üstündə gəzəcək”. Bu, həyatdır! Hər şey ola bilir. Kimsə qəzavü-qədərdən sığortalanmayıb...

O, buna alışdı, öyrəşdi və əlil arabası ilə doğmalaşdı, dostlaşdı. 2014-cü ildə Peşə Reabilitasiya Mərkəzində xalçaçılığın sirlərinə bələd olan Bahar Şıxıyeva görkəmli şəxsiyyətlərin portretini rənglərlə deyil, iplərlə işləmək həvəsinə düşdü. Keçirdiyi qəzadan sonra hərəkətdən qalan Bahar bununla sanki ilmələrlə, əriş-arğacla həmsöhbət olur, dərdini unudur, toxuduğu xalçalara gənclik duyğuları ilə döyünən qəlbinin hərarətini verirdi.

Bahar xanım milli-mədəni irsin nadir incilərinin qorunması və təbliğinə dair bir sıra nümunələr müəllifi kimi tanınır. Xalçaçı rəssam kimi artıq öz sözünü demiş B. Şıxıyeva "Məndə sığar iki cahan, mən bu cahana sığmazam” misrası ilə 650 ildir ki, tanınan və sevilən, Şərqin poeziya kəhkəşanında daha çox bərq vuran İmadəddin Nəsiminin xalça üzərində portretini yaratmaqla, ölməz şairimizə sonsuz vurğunluğunu əks etdirib. Bununla o, həm də özünün daxili dünyasının istək və arzularını "dil açdırıb”.

Bir sıra sərgilərdə öz əsərləri ilə iştirak edən Bahar Şıxıyeva eyni zamanda respublikanın tədris mərkəzlərində sevimli sənətinin sirlərini digər əlil arabasına sığınanlara da öyrətməkdən yorulmur.

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video