14 Noyabr 2019 18:42
958
Təhsil
A- A+

Parisdə Azərbaycan və Rusiya təhsil nazirləri ikitərəfli əməkdaşlıq məsələlərini müzakirə ediblər


Parisdə UNESKO-nun Baş Konfransının 40-cı sessiyasının inklüzivlik və mobilliyə dair təhsil nazirləri panelində iştirak edən Azərbaycanın Təhsil naziri Ceyhun Bayramov Rusiya Federasiyasının Elm və Ali Təhsil naziri Mixail Kotyukov ilə görüşüb.

Görüşdə Azərbaycanın UNESKO yanında daimi nümayəndəliyinin rəhbəri, səfir Anar Kərimov da iştirak edib.

AZƏRTAC xəbər verir ki, nazir Ceyhun Bayramov Bakı Dövlət Universitetinin 100 illiyinin milli, beynəlxalq, o cümlədən UNESKO səviyyəsində qeyd olunduğunu diqqətə çatdırıb. Təhsil sahəsində aparılan islahatlardan söz açıb. Ölkəmizdə tədrisin rus dilində aparıldığı ümumtəhsil məktəbləri haqqında məlumat verib.

Görüşdə Azərbaycan-Rusiya Ali Təhsil Müəssisələri Assosiasiyasının fəaliyyətindən, eləcə də bu əməkdaşlıq çərçivəsində 2019-cu ilin iyul ayında ölkəmizdə təşkil olunmuş tələbə yay məktəbindən danışılıb.

Tərəflər iki ölkə arasında təhsil sahəsində birgə həyata keçirilmiş layihələr, əməkdaşlığın daha da genişləndirilməsi məsələləri ətrafında fikir mübadiləsi aparıblar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video