Bakının abadlığı və bakılıların rahatlığı
Prezidentin paytaxt rəhbərliyindən tələbi budur
Bakının son iki onillik ərzində simasını dəyişməsi, yeni memarlıq nümunələrinin, göydələnlərin ucaldılması, tarixi binaların, yolların bərpası, park və xiyabanların salınması paytaxtı sürətlə dünyanın ən gözəl şəhərlərindən birinə çevirmişdir.
İllər, əsrlər ötüb keçəcək, zaman dəyişəcək, lakin Prezident İlham Əliyevin üçüncü minilliyin əvvəlində ölkəmizin paytaxtını dünyanın nadir və məşhur şəhərlərindən birinə çevirməsi danılmaz fakt kimi tarixə əbədi həkk olunacaq.
İndi Bakı hər birimizin qürur mənbəyidir. Kim Bakını görübsə, qürur hissi ilə bu şəhərin əsrarəngiz gözəlliklərini, mehriban, qonaqpərvər insanlarını rəğbətlə xatırlayır. Görməyənlər də sonsuz maraq və riqqətlə onunla görüşə can atırlar.
Prezident İlham Əliyev Bakı Şəhər İcra Hakimiyyətinin başçısı Eldar Əzizovu qəbul edərkən ehtimal etmək olardı ki, söhbət təkcə şəhərin müasir simasında son illər əldə edilən nailiyyətlərdən gedəcək, dialoq uğurların təntənəsi üstündə qurulacaq. Yəni buna zəmin var idi. Düzdür, Prezident söhbətində abadlıq-quruculuq proseslərinə şəxsən nəzarət etdiyini, bir sıra layihələrin təşəbbüskarı olduğunu bildirsə də, daha çox problemlərdən danışıldı.
Məlumdur ki, paytaxtın ekoloji vəziyyətinin yaxşılaşdırılmasında havanı çirkləndirən mənbələrin aradan götürülməsi ciddi rol oynamışdır. Balaxanı zibilxanasının ləğv edilməsi və onun yerində müasir poliqonun qurulması, zibilin çeşidlənməsi, bərk tullantıların yandırılması artıq müasir texnologiyalarla aparılır. Bununla paytaxtda ən ağır ekoloji fəlakət mənbəyi ləğv edilmişdir. İkinci fəlakət mənbəyi Bibiheybət mədənlərindəki neftlə çirklənmiş yerlər, gölməçələr idi. Orada da yeni park, idman şəhərciyi, müasir idman hovuzu, digər ictimai obyektlər tikilib. Böyükşor gölünə onilliklər ərzində axıdılan kanalizasiya, lay suları, neftlə çirklənmiş sular bu əraziləri də ekoloji fəlakət zonasına çevirmişdi. Bu gün bataqlıq kimi tanınan yerdə olimpiya stadionu tikilmiş, ağaclar əkilmişdir. Bunlardan əlavə, keçmış Sovet küçəsində də 20 hektarlıq əsrarəngiz park salınmış və s. işlər görülmüşdür.
Bakı Şəhər İcra Hakimiyyətinin balansında 11 min yaşayış binası var. Həyətləri olan binaların sayı isə 6331-dir. 2018-2019-cu illərdə 273 nümunəvi məhəllə yaradılmış, onlarca binanın fasadı, dam örtüyü, bloku təmir olunmuş, su təchizatı sistemi yenilənmiş və bütün yaş kateqoriyaları üçün istirahət etmək və idmanla məşğul olmaq üçün şərait yaradılmışdır. Bütün bunlara baxmayaraq, Eldar Əzizovun sözlərinə görə, ilin axırınadək daha 15 yeni nümunəvi məhəllə istifadəyə veriləcəkdir: "Bizim hesablamalarımıza görə, yaxın illərdə hələ 743 bu cür layihə icra etmək mümkündür. Bu proses davam edir. Bu gün biz bir daha Heydər Əliyev Fondunun rəhbərliyinə və ilk növbədə Leyla xanım Əliyevaya minnətdarlığımızı bildiririk”.
Dövlət başçısını rəqəmlər qane etsə də, müzakirəyə konstruktiv və bir qədər də tənqidi yanaşdı, məsələnin həddən artıq vacib olduğunu qeyd etdi: "Biz bilirik ki, bir çox binalarda, bloklarda vəziyyət ürəkaçan deyil, lift təsərrüfatı köhnəlib. Evlərarası həyətlər bəzi hallarda zəbt olunur və ictimai istifadə üçün yerlər yoxa çıxır. Ona görə nümunəvi həyətlərin qurulması çox böyük məna daşıyır”.
Ölkənin paytaxtı qazandığı adı uca tutmalı, yalnız qonaqları heyrətləndirməli deyil, həm də şəhər sakinləri üçün rahat, işıqlı və təhlükəsiz olmalıdır. O cümlədən lift təsərrüfatı bir neçə il əvvəl Prezidentin sərəncamı ilə ayrılan vəsait hesabına bir çox binada yenilənsə də, bu proses tam başa çatmalıdır.
Nümunəvi həyətlərin yaradılması ilə bərabər, onların qorunması da vacibdir. Bu gün hər bir sakin borcludur ki, dövlətin onların rahatlığı və şəhərin gözəlliyi üçün gördüyü böyük işləri göz bəbəyi kimi qorusun, hər bir həyəti nümunəvi vəziyyətdə saxlasın.
Ümumiyyətlə, dövlət başçısı belə hesab edir ki, şəhərin hər bir yeri abad olmalı və vətəndaşları narahat edən bütün problemlər aradan qaldırılmalıdır. İctimai nəzarət daha da gücləndirilməli, şəhərsalma qaydalarına tam əməl edilməlidir. Əvvəlki dövrlərdəki kimi şəhərsalma qaydalarını pozmaq, mövcud binaların düz önündə yeni çoxmərtəbəli binalar tikmək yolverilməzdir.
Görüşdə toxunulan ən vacib mövzulardan biri də rayon icra hakimiyyətləri tərəfindən vətəndaşlara diqqətin yüksək səviyyəyə çatdırılması ilə bağlı oldu: "Bəzi hallarda vətəndaşlar incidilir, onların problemlərinə reaksiya verilmir. Bəzi hallarda vətəndaşlardan qanunsuz olaraq müəyyən vəsait tələb edilir, rüşvətxorluq halları baş verir. Belə siqnallar bizə çatır və rayon icra hakimiyyətləri nəticə çıxarmalıdırlar. Xoşagəlməz hallara yol verilməməlidir, vətəndaşlara maksimum diqqət göstərilməlidir, rayon icra hakimiyyətlərinin nümayəndələri kabinetdə oturub kağızlara baxmaq yox, bütün rayonlarda vətəndaşlarla görüşməlidirlər”.
Dövlət başçısı bu görüşdən ölkənin bütün rayonlarının icra başçılarına yenidən ismarıc göndərdi: "Bakı Şəhər İcra Hakimiyyəti və bütün rayon icra hakimiyyətləri vətəndaşlara böyük diqqətlə yanaşmalıdırlar”.
Bakı hər birimizin fəxridir, qürur mənbəyimizdir. Onun hər daşında, hər küçəsində bir tarix yaşayır. Bakıya qonaq gələn istənilən əcnəbi burada ruhuna, qəlbinə yaxın mənzərələr tapır, Şərq və Qərb memarlığının sintezindən zövq alır.
Bahadur İMANQULİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!