13 Oktyabr 2019 14:31
476
SİYASƏT
A- A+

İkiüzlü ermənilər


Türkmənistanın paytaxtı Aşqabadda MDB Dövlət Başçıları Şurasının məhdud tərkibdə görüşü çərçivəsində Prezident İlham Əliyev dünya tarixində ən dağıdıcı və qanlı müharibələrdən biri olan Böyük Vətən müharibəsində Azərbaycan xalqının göstərdiyi əzmkarlıq və qəhrəmanlıqdan, faşizm üzərində qələbəyə töhfəmizdən danışıb. Dövlətimizin başçısı çıxışında həm də MDB məkanında, xüsusilə də Ermənistanda faşistlərin qəhrəman kimi qələmə verilməsini, Hitlerin əlaltılarından biri olan Njdeyə Yerevanda heykəl qoyulmasını qəti şəkildə pisləyib.

Xatırladaq ki, nasist Qaregin Njdenin heykəli Ermənistanın keçmiş rəhbərliyi tərəfindən Yerevanda 2016-cı ildə qoyulub. Açılışda keçmiş prezident Serj Sarkisyanın adından gətirilən əklilin üzərində "erməni milli azadlıq hərəkatının qəhrəmanı, görkəmli hərbi və siyasi xadim” sözləri də yazılıb. Baxmayaraq ki, Ermənistan 2014-cü ildə BMT Baş Assambleyasında nasizmin qəhrəmanlaşdırılması, neonasizm və irqçilik, irqi ayrı-seçkilik, ksenofobiya və bununla bağlı dözümsüzlüyün müasir formalarının kəskinləşməsinə kömək edən digər təcrübə növləri ilə mübarizə haqqında qətnamənin qəbul edilməsinə səs verib. Azərbaycanın da imzaladığı Qətnamə layihəsi Rusiya tərəfindən təqdim olunmuşdu.

Ermənistanın "milli qəhrəmanı” sayılan Njde 1942-ci ildə digər belə "milli qəhrəman” Drastamat Kanayan (general Dro) ilə birlikdə əsir düşüb. O, Avropada yaşayan ermənilərdən ibarət "Erməni legionu”nunun yaradıcısı olub. Bu legion silahlanaraq sovet ordusuna qarşı vuruşub, terror aktları törədib, sovet partizanlarını məhv edib, Avropanın yəhudi əhalisinin qırılmasında – Holokostda iştirak edib. "Almaniya uğrunda ölənlər Ermənistan uğrunda ölürlər” ifadəsi də Njdeyə aiddir. Əlbəttə, Njde burada faşist Almaniyasını nəzərdə tuturdu.

Azərbaycan Prezidentinin çıxışından sonra Njdenin heykəlinin qoyulmasına və onun Ermənistanda milli qəhrəman kimi anılmasına bəraət qazandırmağa çalışan Paşinyan gah nala, gah mıxa vurmağa başlayıb. "Kommersant” qəzetinin yazdığı kimi, "bir masa arxasında oturanlar qarşısında həm Njdeni müdafiə edən, həm də Böyük Vətən müharibəsində sovet xalqının qələbəsinin 75 iliyinin təmtəraqla qeyd olunması barədə danışan Ermənistan baş naziri, yumşaq desək, heç də yaxşı görünmürdü”.

Digər tərəfdən, ermənilər belə ikiüzlülüyə öyrəşiblər. Hətta ikiüzlülüyün onların xilasedici kəməri olduğunu da ehtimal etmək çətin deyil. Njdenin heykəli qoyulan il sovet xalqının Böyük Vətən müharibəsində qələbəsi şərəfinə Yerevanda qoyulmuş "Ana Ermənistan” abidəsinin 60 illiyi qeyd edilirdi. İndi həm qatilin, həm də qətlə yetirilənlərin heykəli bir şəhərdə "ehtiramla” anılır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video