08 Oktyabr 2019 11:54
857
Elm və texnika
A- A+

RAGB-nin sədri Leyla Əliyevanın təşəbbüsü ilə Moskvada Linqvistika Klubu yaradılıb


Rusiyanın Azərbaycanlı Gənclər Birliyinin (RAGB) sədri Leyla Əliyevanın təşəbbüsü ilə Moskvada Linqvistika Klubu yaradılıb.

AZƏRTAC xəbər verir ki, bu günlərdə RAGB-nin ofisində Linqvistika Klubunun "Welcome day” tədbiri keçirilib. Layihələrin əlaqələndiricisi Ramin Rəcəbov tədbirə toplaşanların qarşısında çıxış edərək bildirib ki, RAGB-də xarici dil kursları 2016-cı ildən fəaliyyət göstərir. Yeni tədris ilindən etibarən RAGB xarici dil kurslarını Linqvistika Klubu şəklində birləşdirməyi qərara alıb. Bu tədris ilində gənclərin Azərbaycan, ingilis, ispan, italyan və alman dillərini öyrənmək imkanı olacaq.

R.Rəcəbov qeyd edib ki, Linqvistika Klubunun yaradılması RAGB-nin sədri Leyla Əliyevanın dəstəyi sayəsində mümkün olub. O deyib: "Leyla Əliyeva RAGB-nin sonuncu forumunda gənclərə müraciətlə qeyd etmişdi ki, RAGB-də gənclər öz biliklərini dərinləşdirmək və yeni biliklər əldə etmək imkanına malikdir. RAGB sədri deyib: "Bizim ofisimizdə xarici dilləri öyrənmək olar və ümidvaram ki, tezliklə Azərbaycan dili kursları da açılacaq”. Dillərin öyrənilməsinə böyük maraq yaranıb, dil kurslarına 200-dən çox adam yazılıb. Biz arzu edən hər kəs üçün belə imkan yaratmağa çalışacağıq”.

Linqvistika Klubunun rəhbəri Əbülfəz Şahbazovun sözlərinə görə, RAGB-nin sayəsində bizim gənclər özlərini, öz mədəniyyətini, tarixini və bütövlükdə ölkəmizi layiqincə təmsil etmək imkanı qazanıb: "Rusiyanın Azərbaycanlı Gənclər Birliyi gənclərin öz potensialını reallaşdırmasına imkan verir”.

Azərbaycan, ingilis, ispan, italyan və alman dillərinin öyrənilməsi üzrə məşğələlər şənbə və bazar günlərində RAGB-nin ofisində keçiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video