12 Iyul 2019 00:54
854
İDMAN
A- A+

Avroliqa: "Neftçi" Moldovanın "Speranta" komandasının qapısından üç cavabsız top keçirib


İyulun 11-də UEFA Avropa Liqasının birinci təsnifat mərhələsi çərçivəsində paytaxtın "Neftçi" komandası səfərdə Moldovanın "Speranta" klubu ilə qarşılaşıb.

AZƏRTAC xəbər verir ki, "Zimbru" stadionunda keçirilən oyun paytaxt komandasının 3:0 hesablı qalibiyyəti ilə başa çatıb.

İlk dəqiqələrdən irəli atılan "ağ-qaralar" rəqibin qapısı qarşısında bir neçə təhlükəli vəziyyət yaradıb. Nəhayət matçın 16-cı dəqiqəsində "Neftçi" hesabı açıb. Rauf Əliyevə qarşı kobud oyuna görə meydan sahiblərinin qapısına penalti zərbəsi təyin olunub. Emin Mahmudov 11 metrlik cərimə zərbəsini dəqiq yerinə yetirib - 1:0. Bu epizodda Moldova təmsilçisinin heyətində İçaka Tiehi sarı vərəqə ilə cəzalandırılıb. İyirmi doqquzuncu dəqiqədə Dario Frederikonun zərbəsindən sonra top qapı tirinə dəyərək meydana geri qayıdıb. Flaqmanın üstünlüyü ilə keçən oyunun 36-cı dəqiqəsində Dario Frederikonun ötürməsindən sonra Stiven-Jozef Monroz hesab arasındakı fərqi iki topa çatdırıb. İlk hissə "Neftçi"nin 2:0 hesablı üstünlüyü ilə başa çatıb.

İkinci hissənin 50-ci dəqiqəsində Stiven-Jozef Monrozun zərbəsindən sonra top qapıdan aralı keçib. Bundan dörd dəqiqə sonra Emin Mahmudovun uzaq məsafədən zərbəsi qüvvətli alınsada, dəqiq olmayıb. 76-cı dəqiqədə meydana daxil olan Rəhman Hacıyev künc zərbəsi yaxınlığından gözəl qola imza atıb – 3:0. Beləliklə, komandamız avrokuboklarda debüt edən rəqiblə ilk görüşdə böyük hesablı qələbə qazanıb.

Komandalar arasındakı cavab matçı iyulun 18-də "Bakcell Arena"da olacaq. Görüş saat 21:00-da başlanacaq.

Roberto Bordinin yetirmələri bu mərhələni keçəcəyi təqdirdə Rusiyanın "Arsenal" (Tula) komandası ilə qarşılaşacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video