10 Iyul 2019 00:24
763
İDMAN
A- A+

Azərbaycanlı jurnalistlər Tbilisidən medalla qayıdıblar


İyulun 6-da Gürcüstanın paytaxtı Tbilisidə idman jurnalistləri arasında beynəlxalq futbol turniri keçirilib. Əfsanəvi idman şərhçisi Kote Maxaradzenin xatirəsinə həsr olunan yarışda 6 ölkənin jurnalistləri mübarizə aparıb. Gürcüstan, Türkiyə, Ukrayna, Litva və Ermənistanın yarışdığı turnirdə komandamız uğurla çıxış edərək 10 xalla 3-cü yeri tutaraq bürünc medala və xüsusi kuboka layiq görülüb. Ukrayna 13 xalla 1-ci, Gürcüstan 11 xalla 2-ci yeri tutub.

Qəzetimizin əməkdaşı Elçin Cəfərovun da yer aldığı Azərbaycan yığmasının heyətində Elnur Əşrəfoğlu, Gündüz Abbaszadə, Sərxan Mustafayev, Şəmsəddin Abbasov və digər tanınmış jurnalistlər olub. Azərbaycanlı jurnalistlər ilk turda ukraynalı həmkarlarına uduzsalar da, ardıcıl olaraq Türkiyə (7:0), Litva (2:0) və Gürcüstan (1:0) komandaları üzərində qələbə qazanıblar. Komandamızın kapitanı Gündüz Abbaszadə turnirin ən yaxşı hücumçusu mükafatına layiq görülüb.

Qeyd edək ki, Azərbaycan-Ermənistan matçı keçirilməyib və hər iki tərəfə bir xal verilib.

Bir maraqlı məqamı da vurğulayaq ki, turnirin qalibi Ukrayna komandası isə gümüş medal qazanan Gürcüstan yığmasına məğlub olduğu üçün ümidini Azərbaycanın meydan sahiblərinə qalib gəlməsinə bağlamışdı. Ona görə də turnirin ən böyük maraq doğuran Gürcüstan-Azərbaycan qarşılaşması baş mükafatın müəyyən edilməsi baxımından həlledici idi. Komandamızın bu oyunda qalib gəlməsi Ukraynanın 1-ci, Gürcüstanın 2-ci və Azərbaycanın 3-cü yeri tutması ilə nəticələndi. Təsadüfi deyil ki, Azərbaycan jurnalistlərinin bu oyunda qələbəsinə ən çox sevinən Ukrayna tərəfi oldu. Buna görə də ukraynalılar mükafatlandırma mərasimində Azərbaycana təşəkkür etməyi də unutmadılar.

Azərbaycanlı jurnalistlərdən ibarət komandanın kapitanı Gündüz Abbaszadə bildirib ki, turnir müxtəlif ölkələrdən idman jurnalistlərinin bir-birlərini yaxından tanıması baxımından əhəmiyyət kəsb edirdi: "Qonaqpərvərliyə görə gürcüstanlı həmkarlarımıza təşəkkür edirik. Qarşılaşmalara gəlincə isə tamaşaçılar bir-birindən maraqlı mübarizələrin şahidi oldular. Yekunda 3-cü yerlə kifayətlənsək də, dostluq qazandıq”.

Rəşad BAXŞƏLİYEV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video