16 May 2019 02:07
529
İQTİSADİYYAT
A- A+

Qonaqkəndə gediş-gəliş asanlaşacaq


Qonaqkənd Qubanın səfalı guşələrindən, təbii gözəllikləri ilə seçilən ərazilərindəndir. 1958-ci ilədək Qonaqkənd rayon mərkəzi olub. Həmin vaxtadək burada dövlət strukturları, idarəetmə orqanları ilə yanaşı, istehsal müəssisələri də fəaliyyət göstərirdi. Xalçaçılıq müəssisəsində toxunan xalçalar keçmiş sovet birliyinin ucqarlarında belə məşhur idi.

Ərazidə kənd təsərrüfatı da inkişaf etmişdi. Sovxoz və kolxozlarda 50 min başdan çox davar, 20 min başdan çox mal-qara bəslənirdi. Torpağı münbit olduğundan məhsuldarlıqda yaxşı idi. Hər il min tonlarla kartof, taxıl, ət, yun, süd istehsal edilirdi. Qonaqkənd o vaxtlar kinematoqrafiyaçıların da diqqətini cəlb etmiş, bir çox filmlərin təbiət mənzərələrini burada lentə almışdılar.

Qonaqkəndin rayon statusu ləğv ediləndən sonra əhali yavaş-yavaş seyrəlməyə başladı. Ölkəmiz dövlət müstəqilliyini bərpa etdikdən sonra, xüsusən son 15-20 ildə Qonaqkəndə də münasibət dəyişdi. Qəsəbənin şöhrətini qaytarmaq üçün mühüm tədbirlər görüldü. Prezident İlham Əliyevin 2013-cü ildə imzaladığı sərəncama əsasən, Quba-Qonaqkənd yolunda əsaslı tikinti işlərinə start verildi. Kunxırt kəndində yeni yol istismarı idarəsi fəaliyyətə başladı. İdarənin köməyi ilə 46 kilometrlik yol yenidən quruldu.

Ötən ilin oktyabrında Qubaya səfəri zamanı Prezident İlham Əliyev rayonun yol infrastrukturunun inkişaf etdirilməsini vacib məsələ kimi qarşıya qoydu. 68 min nəfər əhalinin yaşadığı 66 yaşayış məntəqəsini birləşdirən Quba-Qonaqkənd avtomobil yolunun tikintisinin davam etdirilməsi məqsədilə Azərbaycan Avtomobil Yolları Dövlət Agentliyinə 3 milyon manat ayrılması haqqında sərəncam verdi.

Artıq Quba-Qonaqkənd avtomobil yolunun tikintisində xeyli iş görülüb. Xırt kəndinədək olan ərazidə 3 körpü tikilərək istismara verilib, yol yatağı genişləndirilib, hərəkət hissəsi 7 metr olan 2 zolaqlı yol salınıb, kommunikasiya xətləri yenilənərək su keçidləri bərpa olunub. İndiyədək 40 kilometr yol asfaltlanıb.

Hazırda Cimi çayı üzərində 5 aşırımlı, ümumi uzunluğu 102 metr olan körpü salınır. Baba çayı üzərində salınan körpüdə isə iş yekunlaşmaq üzrədir. Yazın gəlişi ilə tikinti işləri bir qədər də sürətlənib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video