23 Aprel 2019 11:53
381
CƏMİYYƏT
A- A+

AHİK-də Türkiyə həmkarlar ittifaqlarının nümayəndə heyəti ilə görüş keçirilib


Aprelin 22-də Azərbaycan Həmkarlar İttifaqları Konfederasiyasında "Kənd-Qida-İŞ” Həmkarlar İttifaqı Federasiyasının dəvəti ilə Bakıda səfərdə olan Türkiyə Cümhuriyyətinin "Şeker-İŞ” Həmkarlar İttifaqının nümayəndə heyətinin AHİK-in sədri, Milli Məclisin deputatı Səttar Möhbalıyevlə görüşü keçirilib.

AHİK-dən AZƏRTAC-a bildiriblər ki, qonaqları salamlayan Səttar Möhbalıyev onlara Azərbaycan həmkarlar ittifaqlarının fəaliyyəti haqqında məlumat verib. Bildirib ki, bu gün Azərbaycan Həmkarlar İttifaqları Konfederasiyası öz sıralarında 1 milyon 500 min həmkarlar ittifaqı üzvünü birləşdirir. Hər ay ittifaq üzvlərinin sayının artırılması üçün mütəmadi olaraq işlər aparılır. Yeni həmkarlar ittifaqı komitələri yaradılır. Buna misal olaraq deyib ki, bu yaxınlarda Gömrük işçilərinin həmkarlar ittifaqı komitəsi yaradılıb. Həmin təşkilatda həmkarlar ittifaqı yaradılması üçün uzun müddət iş aparılıb. Hazırda yeni yaradılan həmkarlar ittifaqının 7 minə yaxın üzvü var. S.Möhbalıyev qeyd edib ki, fəaliyyətimizin əsas istiqamətlərindən biri də özəl və transmilli sektorda həmkarlar ittifaqı təşkilatlarının yaradılmasıdır. Bu yolda bir sıra məhdudiyyətlər və əngəllər olsa da məqsədimizə nail ola bilirik. "Buna misal olaraq bir faktı nəzərinizə çatdırmaq istəyirəm. Ölkəmizdə metal istehsalı ilə məşğul olan transmilli şirkət fəaliyyət göstərir. Həmin şirkətdə 2 minə yaxın işçi çalışır. Rəhbəri isə əcnəbi vətəndaşdır. Biz həmin şirkətdə həmkarlar ittifaqı təşkilatı yaratmaq istəyirdik. İşəgötürən isə hər vasitə ilə buna əngəl törədərək işçilərin bu məsələyə etiraz etdiklərini bildirirdi. Müəyyən müddət keçəndən sonra müəssisə rəhbəri bizimlə əlaqə yaradıb görüşmək istədiyini bildirdi. Görüş zamanı o, etiraf etdi ki, həmkarlar ittifaqı təşkilatı yaradılması məsələsinə özü maneçilik törədirmiş və rəhbərlik etdiyi şirkətdə təşkilatın təsis edilməsini təklif etdi. Yəni, fəaliyyətimizdə belə hallara rast gəlmək olur”, -deyə AHİK sədri vurğulayıb.

S.Möhbalıyev AHİK-in dövlət orqanları ilə işgüzar münasibətlərinin olduğunu diqqətə çatdıraraq bildirib ki, Azərbaycan Respublikasının Nazirlər Kabineti, Azərbaycan Həmkarlar İttifaqları Konfederasiyası və Sahibkarlar (İşəgötürənlər) Təşkilatları Milli Konfederasiyası arasında hər 2 ildən bir Baş Kollektiv Saziş imzalanır. Cəmiyyətin bütün sahələrini özündə ehtiva edən bu Saziş uzun müzakirələrdən sonra hazırlanır və dediyim kimi, ölkənin Baş Naziri, AHİK və Sahibkarların Milli Konfederasiyası tərəfindən imzalanır. Daha sonra isə, bütün sahə həmkarlar ittifaqları Baş Kollektiv Sazişin müddəalarını rəhbər tutaraq işəgötürənlərlə Kollektiv sazişlər bağlayırlar.

Son zamanlarda Azərbaycan Prezidenti tərəfindən həyati əhəmiyyətli sərəncamların imzalanmasını qonaqların nəzərinə çatdıran AHİK sədri bu sərəncamların verilməsi nəticəsində işləyən əhalinin əməkhaqlarının artırılmasını, sosial müavinətlərin səviyyəsinin yüksəldilməsini, yeni müavinətlərin təyin edilməsini, pensiyaların, tələbə təqaüdlərinin artırılmasını və ümumilikdə insanların sosial rifahının yüksəldilməsini qeyd edərək bu istiqamətində xeyli işlərin görüldüyünü diqqətə çatdırıb. O, eyni zamanda, 2015-ci ildə xarici valyutanın dəyərinin yüksəlməsi nəticəsində bir qrup əhalinin kredit borclarında yaranan problemlərin həlli və onlara dəymiş zərərin dövlət tərəfindən ödənilməsi üçün mühüm sərəncamın verilməsini xüsusi vurğulayıb.

S.Möhbalıyev Azərbaycan-Türkiyə əlaqələrinin inkişafı sahəsində böyük ölçüdə işlər görüldüyünü, hər iki ölkəyə qarşılıqlı sərmayələrin qoyulması ilə iqtisadiyyatın yüksələn xətlə inkişaf etdiyini söyləyib.

AHİK sədri Ermənistan-Azərbaycan Dağlıq Qarabağ münaqişəsi ilə bağlı xalqımızın hər zaman qardaş Türkiyənin dəstəyinin şahidi olduğunu bildirib. Türkiyə hökumətinin və xalqının bu taleyüklü məsələdə daim yanımızda olduğunu məmnunluq hissi ilə diqqətə çatdırıb.

Nümayəndə heyətinin başçısı, Türkiyənin "Şeker-İŞ” həmkarlar ittifaqının prezidenti İsa Gök ölkəmizə səfərlərindən məmnunluqlarını ifadə edərək Azərbaycan həmkarlar ittifaqlarının fəaliyyəti ilə yaxından tanış olmaları üçün onlara hər cür şəraitin yaradıldığını deyib. Buna görə AHİK rəhbərliyinə nümayəndə heyəti adında dərin təşəkkürünü bildirib. Qonaq Azərbaycana 20 il bundan əvvəl səfər etdiyini, ötən illər ərzində ölkəmizin böyük bir inkişaf yolu keçdiyinin şahidi olmasını, heyranlığını dərin məmnunluq hissi ilə dilə gətirib. Buna görə xalqımızı təbrik edib.

Görüşdə hər iki ölkənin həmkarlar ittifaqları arasında əməkdaşlığın daha da genişləndirilməsi, əlaqələrin möhkəmləndirilməsi və qarşılıqlı maraq doğuran digər məsələlərin müzakirəsi də yer alıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video