23 Aprel 2019 00:24
876
Mədəniyyət
A- A+

Xalq yazıçısının xatirəsinə ehtiram


Xalq yazıçısı İsmayıl Şıxlının 100 illik yubileyinin respublika səviyyəsində keçirilməsi ilə əlaqədar Prezident İlham Əliyevin 28 yanvar 2019-cu il tarixli sərəncamı ədibin vətənində, Qazaxda böyük razılıqla qarşılanmışdır. İndi hər bir qazaxlı dövlət başçısının bu sərəncamını görkəmli şəxsiyyətlərə verdiyi dəyər kimi qiymətləndirirlər.

Hazırda sərəncama uyğun olaraq xalq yazıçısının vətənində yüksək səviyyəli hazırlıq işləri gedir. Yubileylə bağlı rayon icra hakimiyyətində tədbirlər planı təsdiq edilmiş, sərəncama uyğun olaraq rayonun sayılıb-seçilən ziyalılarından ibarət işçi qrupu yaradılmışdır. Bundan başqa bir neçə dəfə rayon ziyalılarının, ağsaqqalların, xalq yazıçısının yaxınlarının iştirakı ilə geniş tərkibdə toplantı keçirilmişdir.

Bu günlərdə keçirilən toplantıda qərara alınmışdır ki, ömrü boyu Azərbaycan təbiətinin vurğunu olan və əsərlərində onu sevə-sevə vəsf edən yazıçının 100 illik yubileyi ilə əlaqədar rayonda meyvə bağı salınsın.

İkinci Şıxlı kəndində "Ağalıq düzü” adlanan və xalq yazıçısının babalarının yurd yeri olan ərazidə alma və ərik ağacları əkilmişdir. Həmin gün kənddə böyük izdiham yaşanmışdır. Rayonun idarə və təşkilat nümayəndələrinin, ali və orta ixtisas məktəblərinin, ümumtəhsil müəssisələrinin, ağsaqqalların və ziyalıların iştirak etdikləri tədbirdə Qazax Rayon İcra Hakimiyyətinin başçısı Rəcəb Babaşov çıxış edərək görkəmli yazıçının 100 illik yubileyinin qeyd olunması ilə bağlı ölkə rəhbərinin imzaladığı sərəncamın əhəmiyyətindən danışmış, Azərbaycanın görkəmli yazıçılarına və ziyalılarına verdiyi dəyərə görə qazaxlılar adından Prezident İlham Əliyevə minnətdarlığını bildirmişdir. Qeyd etmişdir ki, dövlət başçısı keçən il Azərbaycan təhsilində müstəsna xidmətləri olan Qazax Müəllimlər Seminariyasının, bu ilin yanvar ayında isə xalq yazıçısı İsmayıl Şıxlının 100 illik yubileylərinin respublika səviyyəsində keçirilməsi üçün sərəncam imzalaması elmə, təhsilə, ədəbiyyata verilən dəyərlə yanaşı, həm də qazaxlı ziyalılara olan böyük hörmətin və ehtiramın yüksək göstəricisidir.

R.Babaşov diqqətə çatdırmışdır ki, İsmayıl Şıxlı yüksək mənəvi-əxlaqi keyfiyyətlərə malik obrazlar yaratmaqla Azərbaycan xalqının bədii fikir salnaməsinə yeni parlaq səhifələr yazmışdır. Ədibin məşhur "Dəli Kür” romanı ictimai şüurda dönüşə və özünüdərkə yol açan mühüm ədəbi-mədəni hadisə kimi qiymətləndirilmişdir. Yazıçının klassik irsin ənənələrini davam etdirməsi və folklor xəzinəsindən bəhrələnməklə meydana gətirdiyi əsərlərdə dərin həyat fəlsəfəsi öz dolğun ifadəsini tapmışdır. Üslubun mukəmməlliyi, bədii dilin obrazlılığı, daxili aləmin təsvirinin genişliyi və əlvanlığı İsmayıl Şıxlı nəsrinə xas olan səciyyəvi cəhətlərdəndir. Taleyüklü məsələlərə münasibətdə daim vətəndaş, ziyalı mövqeyi nümayiş etdirmiş İsmayıl Şıxlının fəaliyyəti bütövlükdə azərbaycançılıq məfkurəsinə sədaqətin və ənənəvi dəyərlərə ehtiramın bariz nümunəsidir.

Tədbirdə Azərbaycan Yazıçılar Birliyi Qazax zona filialının sədri, əməkdar incəsənət xadimi, şair Barat Vüsal çıxış edərək Azərbaycan ədəbiyyatının görkəmli nümayəndəsi, nasir, tanınmış ədəbiyyatşünas, pedaqoq və ictimai xadim İsmayıl Şıxlı şəxsiyyəti haqqında ürək sözlərini söyləmiş, yazıçının 100 illik yubileyinin keçirilməsi ilə bağlı dövlət başçısının imzaladığı sərəncamı yüksək dəyərləndirmişdir.

Yazıçının doğulub boya-başa çatdığı Birinci Şıxlı kənd orta məktəbi şagirdlərinin göstərdikləri ədəbi-bədii kompozisiyadan sonra meyvə bağında ağac tinglərinin əkilməsinə başlanmışdır. Bağın salınması başa çatdıqdan sonra iştirakçılar xatirə şəkli çəkdirmişlər.

Sabir ƏLİYEV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video