21 Aprel 2019 23:47
891
İDMAN
A- A+

Bakıda keçirilən bədii gimnastika üzrə II "AGF Junior Trophy" beynəlxalq turnirinə yekun vurulub


Aprelin 21-də Milli Gimnastika Arenasında keçirilən bədii gimnastika üzrə II "AGF Junior Trophy" beynəlxalq turnirinə yekun vurulub.

AZƏRTAC xəbər verir ki, sonuncu gün gimnastlarımız üçün daha uğurlu alınıb. Belə ki, Nərminə Səmədova lentlə hərəkətlərdə 18.000 bal toplayaraq gümüş medal qazanıb.

N.Səmədova daha bir medalı topla yarışlarda əldə edib. O, 18.350 balla fəxri kürsünün üçüncü pilləsində qərarlaşıb. Gürzlərlə hərəkətlərdə isə gimnastımız 17.400 bal toplayaraq beşinci olub.

Digər gimnastımız Arzu Cəlilova iplə hərəkətlərdə (17.350 bal) növbəti bürünc medalı ölkəmizin aktivinə yazdırıb.

Gənc bədii gimnastlardan ibarət komandamız da arenaya toplaşan azarkeşləri möhtəşəm çıxış və nəticələri ilə sevindiriblər. Belə ki, Mədinə Əsədova, Ləman Əlimuradova, Selcan Hacızadə, Milana Əkbərova və Fəridə Səfiyarzadədən ibarət komandamız beş halqa ilə hərəkətlərdə 21.500 xal toplayaraq turnirin baş mükafatını qazanıb. Təmsilçilərimiz beş lentlə yarışlarda isə ikinci yeri tutublar. Onların çıxışları münsiflər heyəti tərəfindən 18.350 xalla qiymətləndirilib.

Sonra qalib və mükafatçıların təltifolunma mərasimi keçirilib.

Xatırladaq ki, turnirin ilk günündə fərdi və qrup hərəkətləri proqramında çoxnövçülük üzrə yarışlar keçirilib. Azərbaycanı turnirdə fərdi proqramda təmsil edən Arzu Cəlilova ümumi nəticədə 72.650, Nərminə Səmədova, 71.900, Nərmin Bayramova isə 56.000 xal toplayıb. Bu, gimnastlarımızın çoxnövçülük üzrə medalçılar sırasına düşməsi üçün yetərli olmayıb.

Gənc bədii gimnastlardan ibarət Azərbaycan yığması isə çoxnövçülük üzrə (beş halqa və beş lent) 41.000 xal toplayaraq turnirin gümüş medallarına yiyələnib.

Həmçinin Azərbaycan Gimnastika Federasiyasının təsis etdiyi xüsusi mükafat - "AGF Trophy" fərdi yarışlarda azərbaycanlı gimnast Arzu Cəlilovaya verilib.

Qrup hərəkətlərində də ən yüksək icra balını qazanan gənclərdən ibarət yığmanız həmin mükafata sahib olublar.

Qeyd edək ki, Milli Gimnastika Arenasında keçirilən bədii gimnastika üzrə ikinci "AGF Junior Trophy" beynəlxalq turnirində 20 ölkədən 130-a yaxın gənc bədii gimnast iştirak edib.

Beynəlxalq Gimnastika Federasiyasının (FIG) qaydalarına əsasən, turnirdə yalnız 2004-2006-cı il təvəllüdlü gimnastlar qüvvələrini sınayıblar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video