Rusiyalı turistləri valeh edən Bakı
Ümumdünya Turizm Təşkilatının reytinq cədvəlində Azərbaycanda turizmin inkişaf dinamikası 20 faiz səviyyəsində qiymətləndirilmiş və Avropa ölkələri arasında 7-ci yerə layiq görülmüşdür. Həm də bu səbəbdən ölkəmizə ötən il təkcə Rusiyadan gələn turistlərin sayı 800 mini keçmişdir. Bu rəqəm əvvəlki ildəkindən xeyli artıqdır.
Əlaqələrimizdən istifadə edib Moskvaya telefon açıb, Azərbaycana vaxtaşırı qonaq gələn ruslarla danışdıq. İrina Mojayeva dedi ki, onun ən yaxın dostları vaxtilə Moskvada bir yerdə oxuduqları azərbaycanlı tələbələrdir: "Onlar sizin ümummilli lideriniz Heydər Əliyevin kadrları idi. Aradan yarım əsrə yaxın vaxt keçsə də, münasibətlərimiz qırılmır, onlar mənə ən yaxın qohum qədər doğmadırlar. Bakı isə yaddaşımda doğma xatirələrlə qalıb. Atamla anam İkinci Dünya müharibəsindən əvvəl orada yaşayıblar. Həmişə də evimizdə masa arxasında əyləşəndə atam anama azərbaycansayağı zarafatyana deyərdi: "Arvad, kişi danışanda kiri və qulaq as!” Sonuncu dəfə Bakıya gələndə azərbaycanlı dostlarımın ailəsində oldum, fərqli ər-arvad münasibətlərini gördüm. Sizdə ailələr bizdəki qədər çox dağılmır, valideynlər uşaqlarına zəncir kimi bağlıdırlar. Biz sizin paytaxtı bənzərsiz, müasir, insanlarınızı isə üzügülər, mehriban kimi tanıyırıq. Xahiş edirəm ki, sevdiyim, vurulduğum, aludə olduğum şəhərə mənim salamlarımı çatdırasınız”.
Moskvalı yazıçı Vitali Abramov da Bakıda dəfələrlə olub. Hətta həyat yoldaşının ad gününü keçirməyə Azərbaycana gəlmişdi. Həyat yoldaşı Lena dedi ki, Qafqaz əsrarəngizdir, Avropadan da üstündür: "Keçən il ad günümü Vyanada keçirdik, yağış əlindən şəhərə çıxa bilmədik, heç nə də görmədim. Azərbaycanda isə tamam fərqli doğum günü qeyd etdik”.
Tanıdığım moskvalı jurnalistlərdən Liliya Militskaya, Svetlana və Tanya Çeçilovalar da Bakıda, Qubada, Qobustan və Şamaxıda gördüklərini heç vaxt unudan deyillər.
Soyuq mart axşamı paytaxta çıxdıq. Hələ turist mövsümü olmasa da, əcnəbilər az-çox gözə dəyirdilər. Dənizkənarı parkda Novosibirskdən gələn ailə ilə tanış olduq. Oleq özünü ailənin başçısı kimi təqdim etdi:
- Biz bahara qonaq gəlmişik, iki həftə qalasıyıq. Qışdan bahara, şimaldan cənuba düşmək maraqlıdır. Yəqin bir həftəyə tumurcuqlayan ağaclar çiçək açacaq, yarpaqlayacaqlar. Şəhərinizdən yüksək zövq alırıq.
Bahadur İMANQULİYEV,
Ağaəli MƏMMƏDOV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gözəlliyi rənglərə köçürən rəssam
25 Aprel
Şuşa xanəndəlik məktəbinin nümayəndələrindən biri - Seyid Şuşinski
25 Aprel
Mədəniyyət beşiyi
25 Aprel
COP29 Azərbaycan üçün böyük fürsətdir
25 Aprel
COP29 ərəfəsində "yaşıl külək"
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
25 Aprel
Azərbaycan-Çin əlaqələri dostluğa və qarşılıqlı maraqlara söykənir
25 Aprel
Sahibkarlar iqtisadi inkişafın aparıcı qüvvəsidir
25 Aprel
"Delimitasiya Hayastanın xilası olacaq"
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!