17 Mart 2019 00:31
1168
Səhiyyə
A- A+

Zəhərli çiçək


Yoluxucu xəstəlik növlərindən biri suçiçəyidir. Bu xəstəliyi herpetik viruslardan biri törədir. Praktik olaraq bütün insanlar uşaqlıqda bu infeksiyaya yoluxurlar.

Həkim-pediatr Günay Rəsulova deyir ki, xəstəliyin əvvəlində uşağın hərarəti qalxır, onun ümumi halı, iştahası və yuxusu pozulur. Sonra səpki əmələ gəlir. Səpki əvvəlcə xırda qırmızı ləkə şəklində olur. Bir neçə saatdan sonra qabarcığa çevrilir. Xəstəlik, adətən, yüngül keçir. İmmuniteti zəif olan, həmçinin digər ağır xəstəliklər nəticəsində zəifləmiş uşaqlarda isə ağır formalarda keçə bilər: "Səpkilər zamanı güclü qaşınma müşahidə edilir, lakin uşaqları səpkiləri qaşımaqdan çəkindirin. Əgər səpkilər qaşınıb qoparılsa, onların yerində çapıqlar qalacaq. Bədəndə olan qırmızı sulu ləkələri yaşıl brilyant abısı ("zelyonka”) ilə rəngləyib dəri səthini təmiz saxlamaq və vitaminlər qəbul etmək lazımdır”.


Təkrar xəstələnmə niyə olmur?


Xəstəlikdən sonra yaranan immunitet çox yüksək olur və təkrar xəstələnmə halı baş vermir, - deyən pediatr bildirir ki, yoluxmuş uşaqların müalicəsi, adətən, ev şəraitində aparılır. Uşaqlara vitaminlərlə zənginləşdirilmiş pəhriz rejimi tətbiq edilir. Onların yataq otağının havasını tez-tez dəyişmək və hər gün nəm əsgi ilə təmizləmə işləri aparmaq lazımdır. Dəridəki səpkilərə yaşıl birilyant abısı və ya kalium-permanqanat məhlulu ("marqantsovka”) sürtmək lazımdır. Bu, dəridəki qaşınmanı azaltmağa, qabarcıqların irinləməsinin qarşısını almağa, onların tez qurumasına kömək edir.


Peyvəndi var, amma...


Həkim diqqətə çatdırır ki, müalicə zamanı antibiotiklərdən istifadə edilməsinə, yalnız çox nadir hallarda baş verən fəsadlar zamanı icazə verilir. Sağalma 10 gündən tez olmur. Sağalmadan sonra 1,5-2 həftə ərzində uşağın immun sistemi bir qədər zəiflədiyinə görə onu bir müddət qorumaq üçün (soyuqdəymədən və s.), uşaq bağçasına və ya məktəbə getməsi məsləhət deyil.

Suçiçəyindən qorunmanın bir üsulu isə çiçək peyvəndi etdirməkdir.

Yasəmən MUSAYEVA,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video