15 Mart 2019 13:18
331
CƏMİYYƏT
A- A+

“Ölkəmizi tanıyaq”: Sabirabad, Saatlı, Şirvan və Neftçala məktəblilərini maraqlı ekskursiya gözləyir


Maarifləndirici tur-aksiyalar məktəblilərə ölkəmizin bu gününü və keçmişini daha dərindən öyrənməyə imkanı verir


Martın 15-də səhər saatlarında Sabirabaddakı Heydər Əliyev Mərkəzinin qarşısında böyük canlanma vardı. Rayon icra hakimiyyəti və təhsil şöbəsinin məsul işçiləri, valideynlər "Ölkəmizi tanıyaq” maarifləndirici tur-aksiyasının Gəncə-Şəmkir-Göygöl-Tovuz-Qazax-Ağstafa marşrutunun iştirakçıları olan sabirabadlı şagirdləri yola salırdılar.

AZƏRTAC-ın bölgə müxbiri xəbər verir ki, yola düşməzdən əvvəl aksiya iştirakçıları Heydər Əliyev Mərkəzindəki eksponatlarla tanış olublar. Sonra məktəblilər Ümummilli Liderin adını daşıyan parkda ağac və gül kolları əkib, mövcud ağaclara qulluq ediblər.

Sabirabad şəhər 6 nömrəli tam orta məktəbin IX sinif şagirdi Aytən Abdullayeva sevincini bölüşərək deyib: "Tur-aksiyada iştirak edəcəyimi eşidəndə çox sevindim. Azərbaycanın regionlarını gəzmək, şəhər və rayonların tarixi yerləri, mədəniyyət abidələri ilə tanış olmaq çoxdankı arzum idi. Artıq bu istəyim reallığa çevrilib. Tur-aksiyalar məktəblilərə ölkəmizi, onun bu gününü və keçmişini daha dərindən öyrənmək imkanı verir”.

Cavad kənd 2 nömrəli tam orta məktəbin X sinif şagirdi Kənan Kərimov söhbətə qoşularaq fikirlərini belə ifadə edib: "Bu gün Azərbaycanın dilbər guşələrindən olan Gəncə-Şəmkir-Göygöl-Tovuz-Qazax-Ağstafa rayonlarına yola düşürük. Ölkəmizin qədim tarixi, mədəniyyəti və incəsənəti barədə çox oxumuşam. Bu gün isə mənə bütün bunları görmək imkanı yaradılıb”.

Sonda Gəncə-Şəmkir-Göygöl-Tovuz-Qazax-Ağstafa marşrutu üzrə tur-aksiyada iştirak edən sabirabadlı məktəblilər yola düşüblər.

X X X

Martın 15-də "Ölkəmizi tanıyaq” layihəsi çərçivəsində təşkil olunmuş tur-aksiyanın Saatlı rayonundan olan iştirakçıları - IX və XI sinif şagirdləri və onları müşayiət edən müəllimlər də Gəncə-Şəmkir-Göygöl-Tovuz-Qazax-Ağstafa marşrutu üzrə qərb bölgəsinə yola çıxıblar.

İştirakçılar əvvəlcə ümummilli lider Heydər Əliyevin abidəsi önünə gül dəstələri düzüblər. Sonra şagirdlər rayondakı Heydər Əliyev Mərkəzində Ulu Öndərin həyat və fəaliyyətinin ayrı-ayrı məqamlarını əks etdirən fotoşəkil və sənədlərlə tanış olublar.

Qrup rəhbəri, rayon icra hakimiyyətinin əməkdaşı Əhəd Behbudov deyib: "Ənənəvi keçirilən bu aksiyalar şagirdlərin dünyagörüşlərinin zənginləşməsi, biliklərinin artırılması, bölgələrimizin müasir həyatı ilə tanış olmaları baxımından böyük əhəmiyyət daşıyır. Şagirdlər səfər zamanı həm də özlərinə yeni dostlar qazanacaqlar”.

Tur-aksiyanın digər iştirakçıları – Əlisoltanlı kənd tam orta məktəbinin müəllimi Seymur İslamov, Məzrəli kənd tam orta məktəbin X sinif şagirdi Rəfsanə Behbudova və başqaları bu səyahətin təşkilindən razılıqlarını bildirib, zəngin təəssüratla qayıdacaqlarına əmin olduqlarını vurğulayıblar.

Valideyn Hilal Behbudov ürək sözlərini belə ifadə edib: "Dövlətimizin başçısı gələcəyimiz olan uşaqlara xüsusi qayğı göstərir. Hər yerdə yeni məktəblər, uşaq bağçaları, idman kompleksləri tikilib istifadəyə verilir. Bu tur-aksiya həmin qayğının daha bir təzahürüdür. Övladımın da bu aksiyada iştirak etməsindən çox məmnunam”.

Sonra məktəblilər xüsusi avtobusla yola salınıblar.

Saatlıdan olan 40 məktəbli və 5 müəllim dörd gün ərzində Gəncə-Şəmkir-Göygöl-Tovuz-Qazax-Ağstafa rayonlarını gəzəcək, bu məkanlarla yaxından tanış olacaqlar.

X X X

Martın 15-də sübh tezdən Şirvan Şəhər İcra Hakimiyyəti qarşısındakı meydanda şəhər rəhbərliyi və təhsil şöbəsinin məsul işçiləri, valideynlər "Ölkəmizi tanıyaq” maarifləndirici tur-aksiyasının Quba-Qusar-Xaçmaz marşrutunun iştirakçıları olan şirvanlı şagirdləri şimal bölgəsinə yola salıblar.

Yola düşməzdən əvvəl tur-aksiya iştirakçıları ulu öndər Heydər Əliyevin şəhərin mərkəzində ucaldılan abidəsi önünə gül dəstələri qoyublar. Sonra məktəblilərin hazırladıqları ədəbi-bədii kompozisiyaya baxış olub, onların ifa etdikləri mahnı və şeirlər dinlənilib.

Qrup rəhbəri, şəhər təhsil şöbəsinin işçisi Elçin Həsənov deyib: "Prezident İlham Əliyevin tapşırığına əsasən təşkil olunan maarifləndirici tur-aksiyanın iştirakçıları - Şirvan şəhər ümumtəhsil məktəblərinin IX-XI sinif şagirdləri və onların müəllimləri dörd gün ərzində Quba-Qusar-Xaçmaz rayonlarının sosial-iqtisadi inkişafı ilə yaxından tanış olacaqlar. Səfər proqramı olduqca zəngindir. İnanıram ki, məktəblilərimiz ölkənin qərb bölgəsinə səfərdən xoş təəssüratlarla qayıdacaqlar”.

Tur-aksiyada iştirak edən şəhər 16 nömrəli tam orta məktəbin X sinif şagirdi Mürşüd Dadaşov sevinc hissini belə ifadə edib: "Çox sevinirəm. İlk dəfədir ki, tur-aksiyada iştirak edirəm. Şimal bölgəsini görmək çoxdankı arzum idi. Artıq bu arzum reallığa çevrilib. Bizə bu imkanı Prezident İlham Əliyev yaradıb. Bu diqqət və qayğıya görə dövlətimizin başçısına minnətdaram”.

Sonra tur-aksiyada iştirak edən məktəblilər Quba-Qusar-Xaçmaz marşrutu üzrə yola düşüblər.

X X X

Martın 15-də Neftçala şəhərindəki Heydər Əliyev Mərkəzinin qarşısında da böyük izdiham vardı. Rayonun rəhbər işçiləri, müəllimlər, valideynlər və ictimaiyyət nümayəndələri "Ölkəmizi tanıyaq” layihəsi çərçivəsində təşkil olunmuş maarifləndirici tur-aksiyanın Neftçaladan olan iştirakçılarını Quba-Qusar-Xaçmaz marşrutu üzrə yola salmaq üçün buraya toplaşmışdılar.

Tur-aksiya iştirakçıları ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər. Sonra məktəblilər şəhərin Heydər Əliyev prospekti boyunca ağac və gül kolları əkiblər.

Qrup rəhbəri, rayon icra hakimiyyətinin əməkdaşı Fərid Əhmədov bildirib ki, Prezident İlham Əliyevin tapşırığına əsasən ölkəmizdə ənənəvi keçirilən maarifləndirici tur-aksiyanın iştirakçıları - Neftçala rayonunun ümumtəhsil məktəblərinin IX-XI sinif şagirdləri və onların müəllimləri dörd gün ərzində Quba-Qusar-Xaçmaz rayonlarının tarixi abidələri, sosial-iqtisadi inkişafı, görməli yerləri ilə yaxından tanış olacaqlar. Bölgələrimizlə tanışlıq şagirdlərin dünyagörüşünün formalaşmasında mühüm rol oynayacaq.

Tur-aksiyanın digər iştirakçıları - şəhər 4 nömrəli tam orta məktəbin X sinif şagirdləri Müslüm Dadaşov, İlkin Əzizov və başqaları layihənin təşkilindən razılıqlarını bildirərək, diqqət və qayğıya görə təşəkkür ediblər.

Meydana toplaşanların xeyir-duası ilə avtobus Quba-Qusar Xaçmaz marşrutu istiqamətində yola düşüb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video